തമിഴ് യുവതാരം കെൻ കരുണാസ് സംവിധായകനായി അരങ്ങേറ്റം കുറിച്ച ‘യൂത്ത്’ ആഗോള ബോക്സ് ഓഫീസിൽ വൻ വിജയം കൊയ്യുന്നു. ചിത്രം പ്രദർശനത്തിന് എത്തി 11 ദിവസത്തിനുള്ളിൽ 50 കോടിയിലധികം രൂപ ആഗോള ഗ്രോസ് കളക്ഷനായി നേടിക്കഴിഞ്ഞു. ആദ്യ ദിനം നേടിയതിനേക്കാൾ വലിയ തുക പതിനൊന്നാം ദിവസം സ്വന്തമാക്കാൻ സാധിച്ചു എന്നത് ചിത്രത്തിന് ലഭിക്കുന്ന അസാധാരണമായ പ്രേക്ഷക പിന്തുണയുടെ തെളിവാണ്. കേരളത്തിൽ ദുൽഖർ സൽമാന്റെ വേഫറെർ ഫിലിംസ് ആണ് ചിത്രം വിതരണത്തിനെത്തിച്ചത്.
കുടുംബപ്രേക്ഷകരുടെ പ്രിയപ്പെട്ട ‘യൂത്ത്’
വയലൻസോ രക്തച്ചൊരിച്ചിലോ ഇല്ലാത്ത, ആദ്യാവസാനം ചിരിച്ച് ആസ്വദിക്കാവുന്ന ഒരു ക്ലീൻ ഫാമിലി എന്റർടൈനറാണ് ഈ ചിത്രം. സ്‌കൂൾ-കോളേജ് കാലഘട്ടത്തിലെ രസകരമായ നിമിഷങ്ങളും പ്രണയവും കുടുംബബന്ധങ്ങളും കോർത്തിണക്കിയ ചിത്രം ഒരു ‘ഫീൽ ഗുഡ്’ അനുഭവമാണ് സമ്മാനിക്കുന്നത്. കുടുംബ പ്രേക്ഷകരും യുവാക്കളും ഒരുപോലെ ചിത്രം ഏറ്റെടുത്തു കഴിഞ്ഞു.
🔥 Box Office Success!
Ken Karunas' Youth crosses ₹50 crore worldwide in just 11 days.
A clean family entertainer winning hearts across audiences.#Youth #KenKarunas #TamilMovie #BoxOffice #YouthMovie #GVPrakash #SurajVenjaramoodu #TamilCinema #MovieUpdate pic.twitter.com/tHXm3GkUqf— CinemaCafe™ Media (@cinemacafemedia) March 30, 2026
സുരാജ് വെഞ്ഞാറമൂടിന്റെ ഗംഭീര പ്രകടനം
മലയാളികളുടെ പ്രിയതാരം സുരാജ് വെഞ്ഞാറമൂട് ചിത്രത്തിൽ ഒരു പ്രധാന വേഷത്തിൽ എത്തുന്നുണ്ട്. നായകനായ കെനിന്റെ അച്ഛൻ വേഷമാണ് സുരാജ് കൈകാര്യം ചെയ്തത്. കെൻ – സുരാജ് കോമ്പോയുടെ പ്രകടനമാണ് ചിത്രത്തിന്റെ പ്രധാന ആകർഷണങ്ങളിൽ ഒന്ന്. മലയാളി താരം അനിഷ്മ അനിൽകുമാറാണ് ചിത്രത്തിലെ നായിക.
അണിയറയിൽ:
-
രചന, സംവിധാനം, നായകൻ: കെൻ കരുണാസ്
-
സംഗീതം: ജി.വി. പ്രകാശ് കുമാർ
-
നിർമ്മാണം: പാർവത എന്റർടൈൻമെന്റ്സിന്റെ ബാനറിൽ കറുപ്പയ്യ സി റാം, സുലോചന കുമാർ
-
താരനിര: ദേവദർശിനി ചേതൻ, പ്രിയാൻഷി യാദവ്, മീനാക്ഷി ദിനേശ് തുടങ്ങിയവർ
ബോളിവുഡിലെയും മലയാളത്തിലെയും വമ്പൻ ചിത്രങ്ങൾക്കിടയിലും തന്റേതായ ഇടം കണ്ടെത്തിയ ‘യൂത്ത്’ ഒരു യുവതാര തമിഴ് ചിത്രം നേടുന്ന ഏറ്റവും വലിയ കളക്ഷനാണ് ഇപ്പോൾ സ്വന്തമാക്കിയിരിക്കുന്നത്.
❤️PRO: ശബരി
Youth Tamil Movie Box Office 50 Crore | Ken Karunas Film Becomes Heart-Buster Hit
Ken Karunas’ directorial debut Youth becomes a box office success crossing 50 crore worldwide in 11 days. The feel-good family entertainer continues strong in its second week.
About Author
