സായ് ദുർഗ തേജ് നായകനാവുന്ന രോഹിത് കെ പി ചിത്രത്തിന്റെ ക്ലൈമാക്സ് ചിത്രീകരണം പുരോഗമിക്കുന്നു. 20 കോടി ബഡ്ജറ്റിൽ ആണ് ചിത്രത്തിന്റെ ബ്രഹ്മാണ്ഡ ക്ലൈമാക്സ് ചിത്രീകരിക്കുന്നത്. എസ് വൈ ജി (സാംബരാല യേതിഗട്ട്) എന്ന് പേരിട്ടിരിക്കുന്ന ചിത്രം “വിരൂപാക്ഷ”, “ബ്രോ” എന്നീ സൂപ്പർഹിറ്റ് ചിത്രങ്ങൾക്ക് ശേഷം സായ് ദുർഗ തേജ് നായകനായെത്തുന്ന ചിത്രമാണ്. 125 കോടി രൂപ ബജറ്റിൽ ആണ് ഈ ബ്രഹ്മാണ്ഡ ആക്ഷൻ ചിത്രം നിർമ്മിക്കുന്നത്. പ്രൈംഷോ എൻ്റർടെയ്ൻമെൻ്റിൻ്റെ ബാനറിൽ കെ നിരഞ്ജൻ റെഡ്ഡിയും ചൈതന്യ റെഡ്ഡിയും ചേർന്നാണ് ചിത്രത്തിൻ്റെ നിർമ്മാണം. പാൻ ഇന്ത്യ സെൻസേഷണൽ ബ്ലോക്ക്ബസ്റ്റർ ഹനുമാന് ശേഷം ഇവർ നിർമ്മിക്കുന്ന ചിത്രം കൂടിയാണിത്.
പ്രശസ്ത സ്റ്റണ്ട് ഡയറക്ടർ കെവിൻ മാസ്റ്റർ ഒരുക്കുന്ന 18 വലിയ ആക്ഷൻ ബ്ലോക്കുകൾ ഉൾക്കൊള്ളുന്ന 35 ദിവസത്തെ ഷെഡ്യൂൾ ആണ് ക്ലൈമാക്സ് ചിത്രീകരണത്തിന്റെ ഭാഗമായി ഇപ്പോൾ പുരോഗമിച്ചു കൊണ്ടിരിക്കുന്നത്. യുദ്ധഭൂമി പോലുള്ള കാൻവാസിൽരൂപകൽപ്പന ചെയ്തിരിക്കുന്ന ക്ലൈമാക്സ്, മഹാഭാരതത്തിലെ കുരുക്ഷേത്ര യുദ്ധത്തിന്റെ വ്യാപ്തിയും വൈകാരിക ഭാരവും പ്രേക്ഷകരിലേക്ക് എത്തിക്കുന്ന തരത്തിലാണ് ഒരുക്കുന്നത്. അമ്പരപ്പിക്കുന്ന ദൃശ്യ വിസ്മയമാണ് ഇതിലൂടെ സ്ക്രീനിലെത്തിക്കാൻ ഒരുങ്ങുന്നത്.
ഉയർന്ന അപകടസാധ്യതയുള്ള നിരവധി സ്റ്റണ്ടുകൾ സ്വയം ചെയ്യുന്ന സായ് ദുർഗ തേജ്, ഈ ചിത്തത്തിനായി വമ്പൻ ശാരീരിക പരിവർത്തനമാണ് നടത്തിയത്. പ്രത്യേകിച്ച് ക്ലൈമാക്സ് സീക്വൻസുകൾക്കായി വലിയ രീതിയിലാണ് അദ്ദേഹം ശരീരത്തെ പാകപ്പെടുത്തിയത്. ഇന്നുവരെയുള്ള അദ്ദേഹത്തിന്റെ കരിയറിലെ, ഏറ്റവും ശാരീരികമായി പ്രയത്നം ആവശ്യപ്പെടുന്ന ഒരു കഥാപാത്രം കൂടിയാണ് ഈ ചിത്രത്തിലെ നായക വേഷം. നേരത്തെ, സായ് ദുർഗ തേജിൻ്റെ ജന്മദിനം പ്രമാണിച്ചു പുറത്തു വിട്ട, ചിത്രത്തിന്റെ ഗ്ലിമ്പ്സ് വീഡിയോയും ഏറെ ശ്രദ്ധ നേടിയിരുന്നു. “അസുര ആഗമന” എന്ന ടൈറ്റിലോടെ ആണ് ഈ വീഡിയോ പുറത്തു വന്നത്.
₹20 Crore Grand Climax Shoot Underway 🔥
Sai Durgha Tej’s #SambaralaYetigattu gears up for an epic finale!
Directed by Rohith KP
Produced by PrimeShow Entertainment
A massive ₹125 crore pan-India action spectacle in the making.#SaiDurghaTej #SYG #TeluguCinema #PanIndiaFilm pic.twitter.com/z6omuUYb0w— CinemaCafe™ Media (@cinemacafemedia) February 28, 2026
ഐശ്വര്യ ലക്ഷ്മിയാണ് ഈ വമ്പൻ പീരിയഡ്-ആക്ഷൻ ഡ്രാമയിലെ നായിക. ജഗപതി ബാബു, സായ് കുമാർ, ശ്രീകാന്ത്, അനന്യ നാഗല്ല, രവി കൃഷ്ണ എന്നിവരാണ് ചിത്രത്തിലെ മറ്റു താരങ്ങൾ. ശക്തമായ പ്രകടനങ്ങളും സാങ്കേതിക വൈഭവവും കൊണ്ട് പ്രേക്ഷകരെ അമ്പരപ്പിക്കുന്ന ഒരു പാൻ ഇന്ത്യൻ കാഴ്ചയായി ചിത്രം മാറുമെന്ന സൂചനയാണ് ഗ്ലിമ്പ്സ് വീഡിയോ ഉൾപ്പെടെ പ്രേക്ഷകർക്ക് നൽകുന്നത്. ഇത് ഈ വർഷത്തെ ഏറ്റവും കൂടുതൽ ചർച്ച ചെയ്യപ്പെടുന്ന സിനിമാറ്റിക് ഇവന്റുകളിൽ ഒന്നായിരിക്കുമെനുള്ള പ്രതീക്ഷയും അതോടൊപ്പം സമ്മാനിക്കുന്നു. വൈകാരികമായി ഏറെ ആഴമുള്ളതും ദൃശ്യപരമായി ഗംഭീരവുമായ ഒരു പീരിയഡ് ആക്ഷൻ ഡ്രാമയായി ആണ് ചിത്രം അവതരിപ്പിക്കുന്നത്. തെലുങ്ക്, തമിഴ്, ഹിന്ദി, കന്നഡ, മലയാളം എന്നീ ഭാഷകളിൽ വമ്പിച്ച പാൻ-ഇന്ത്യ റിലീസിനായി ആണ് ചിത്രം ഒരുങ്ങുന്നത്.
രചന- സംവിധാനം- രോഹിത് കെ പി, നിർമ്മാതാക്കൾ- കെ. നിരഞ്ജൻ റെഡ്ഡി, ചൈതന്യ റെഡ്ഡി, ബാനർ- പ്രൈംഷോ എന്റർടെയ്ൻമെന്റ്, ഛായാഗ്രഹണം- വെട്രിവെൽ പളനിസ്വാമി, സംഗീതം- ബി അജനീഷ് ലോക്നാഥ്, എഡിറ്റിംഗ്- നവീൻ വിജയകൃഷ്ണ, പ്രൊഡക്ഷൻ ഡിസൈനർ- ഗാന്ധി നാടികുടികർ, ആക്ഷൻ- കെവിൻ മാസ്റ്റർ, കോസ്റ്റ്യൂം ഡിസൈനർ- അയിഷ മറിയം, മാർക്കറ്റിംഗ് – ഹാഷ്ടാഗ് മീഡിയ, പിആർഒ ❤️ ശബരി.
Sai Durgha Tej’s Sambarala Yetigattu Climax Shoot Underway with ₹20 Crore Budget
Sai Durgha Tej’s pan-India action epic Sambarala Yetigattu is filming a grand climax with a ₹20 crore budget. Directed by Rohith KP, the film is mounted on a massive ₹125 crore scale.
About Author
