പിക്സൽ സ്റ്റുഡിയോസിന്റെ ബാനറിൽ ഭുവനും ശ്രീകറും ചേർന്നാണ് ചിത്രം നിർമ്മിക്കുന്നത്. ടാഗോർ മധു അവതരിപ്പിക്കുന്ന ‘സ്വയംഭൂ’ ചരിത്രവും പുരാണവും സമന്വയിപ്പിച്ചുള്ള ഇതിഹാസ യുദ്ധകഥയായാണ് പ്രേക്ഷകരിലേക്ക് എത്തുന്നത്. എ.ഡി. 985 കാലഘട്ടത്തിന്റെ പശ്ചാത്തലത്തിലാണ് കഥ വികസിക്കുന്നത്.
സിനിമയ്ക്കായി സൃഷ്ടിച്ചിരിക്കുന്ന വിശാലമായ ലോകം, വമ്പൻ യുദ്ധരംഗങ്ങൾ, കഥാപാത്രങ്ങളുടെ രൂപകൽപ്പന എന്നിവയ്ക്ക് വലിയ പ്രാധാന്യം നൽകിയിട്ടുണ്ട്. 175 ദിവസം നീണ്ടുനിന്ന ചിത്രീകരണം തന്നെ സിനിമയുടെ നിർമ്മാണ വ്യാപ്തിയുടെ സൂചനയാണ്. പീരിയഡ് പശ്ചാത്തലത്തെ വിശ്വസനീയവും ദൃശ്യപരമായി ഗംഭീരവുമാക്കാൻ വിപുലമായ സാങ്കേതിക സംവിധാനങ്ങളും ചിത്രത്തിനായി ഉപയോഗിച്ചിട്ടുണ്ട്.
2500ലേറെ ഗ്രാഫിക്സ്, VFX ഷോട്ടുകളാണ് ‘സ്വയംഭൂ’വിനായി ഒരുക്കുന്നതെന്ന് അണിയറപ്രവർത്തകർ അറിയിച്ചു. ഇന്ത്യൻ ചരിത്രത്തിന്റെയും പുരാണ സങ്കൽപ്പങ്ങളുടെയും സ്വാധീനത്തിൽ രൂപപ്പെടുത്തിയ സിനിമയുടെ ലോകത്തിന് കൂടുതൽ ദൃശ്യവ്യാപ്തി നൽകുന്നതിൽ വിഷ്വൽ എഫക്ട്സിന് നിർണായക പങ്കുണ്ട്.
നേരത്തെ പുറത്തിറങ്ങിയ ചിത്രത്തിന്റെ ടീസറും ‘വാ വാ വീരവാ’ എന്ന ഗാനവും ‘സ്വയംഭൂ’വിന്റെ മെഗാ സ്കെയിലിലേക്കുള്ള ആദ്യ കാഴ്ചകൾ സമ്മാനിച്ചിരുന്നു. യുദ്ധരംഗങ്ങളും ആക്ഷനും പീരിയഡ് പശ്ചാത്തലവും വലിയ ദൃശ്യങ്ങളും ചേർത്ത് തിയറ്റർ അനുഭവത്തിന് പ്രാധാന്യം നൽകിയുള്ള പാൻ ഇന്ത്യൻ ചിത്രമായാണ് ‘സ്വയംഭൂ’ ഒരുങ്ങുന്നത്.
‘കാർത്തികേയ 2’വിലൂടെ പാൻ ഇന്ത്യൻ തലത്തിൽ ശ്രദ്ധ നേടിയ നിഖിലിന്റെ 20-ാമത്തെ ചിത്രം കൂടിയാണ് ‘സ്വയംഭൂ’. ഇതിഹാസ യോദ്ധാവിന്റെ ശക്തമായ ഗെറ്റപ്പിലാണ് നിഖിൽ എത്തുന്നത്. ആക്ഷൻ രംഗങ്ങൾക്കായി താരം നടത്തിയ പ്രത്യേക തയ്യാറെടുപ്പുകളും ചിത്രത്തിന്റെ പ്രധാന ആകർഷണങ്ങളിലൊന്നായിരിക്കുമെന്നാണ് അണിയറപ്രവർത്തകർ നൽകുന്ന സൂചന.
സംയുക്തയും നഭാ നടേഷുമാണ് ചിത്രത്തിലെ നായികമാർ. ‘ഭൂമി’ എന്ന ധീര യോദ്ധാവിന്റെ കഥാപാത്രത്തെയാണ് സംയുക്ത അവതരിപ്പിക്കുന്നത്. കയ്യിൽ ആയുധമേന്തിയ യോദ്ധാവിന്റെ ലുക്കിലുള്ള സംയുക്തയുടെ ക്യാരക്ടർ പോസ്റ്റർ അടുത്തിടെ അണിയറപ്രവർത്തകർ പുറത്തുവിട്ടിരുന്നു. സുബ്ബരാജു, സുനിൽ എന്നിവരും നിർണായക കഥാപാത്രങ്ങളായി എത്തുന്നു.
തെലുങ്ക്, കന്നഡ, തമിഴ്, ഹിന്ദി, മലയാളം ഭാഷകളിലായി ‘സ്വയംഭൂ’ ആഗോളതലത്തിൽ തിയറ്ററുകളിലെത്തും. റിലീസ് തീയതി പ്രഖ്യാപിക്കുന്നതോടെ ചിത്രത്തിന്റെ തുടർ പ്രമോഷൻ അപ്ഡേറ്റുകളും പുറത്തുവരും.
⚔️ #Swayambhu is being mounted on a massive scale!
Nikhil’s pan-Indian epic has completed around 175 days of filming and features 2,500+ VFX shots, according to the makers.
🎬 Release date to be announced soon.#Nikhil #SwayambhuMovie #PanIndianCinema pic.twitter.com/eeenvQ9rTI
— CinemaCafe™ Media (@cinemacafemedia) September 12, 2026
അണിയറ പ്രവർത്തകർ: രചന, സംവിധാനം – ഭരത് കൃഷ്ണമാചാരി; നിർമ്മാണം – ഭുവൻ, ശ്രീകർ; അവതരണം – ടാഗോർ മധു; ഛായാഗ്രഹണം – കെ.കെ. സെന്തിൽ കുമാർ; സംഗീതം – രവി ബസ്രൂർ; എഡിറ്റിംഗ് – തമ്മി രാജു; പ്രൊഡക്ഷൻ ഡിസൈനർമാർ – എം. പ്രഭാകരൻ, രവീന്ദർ; സംഭാഷണം – വിജയ് കാമിസേട്ടി; ആക്ഷൻ – കിങ് സോളമൻ, സ്റ്റണ്ട് സിൽവ, ജോഷുവ; ഗാനരചന – രാമജോഗയ്യ ശാസ്ത്രി, ശിവ ശക്തി ദത്ത, കെ.കെ.; നൃത്ത സംവിധാനം – വിജയ് ബിന്നി, ഭാനു; വസ്ത്രാലങ്കാരം – അനുറെഡ്ഢി അക്കന്റി; എക്സിക്യൂട്ടീവ് പ്രൊഡ്യൂസർ – BBHR പ്രസാദ്; VFX – ഫാന്റം എഫ്എക്സ്; പബ്ലിസിറ്റി ഡിസൈൻ – ധനി എലായ്; മാർക്കറ്റിംഗ് – ഫസ്റ്റ് ഷോ; പി.ആർ.ഒ – ശബരി.
Nikhil’s Swayambhu: 175-Day Shoot, Over 2,500 VFX Shots for Pan-Indian Epic
Nikhil’s Swayambhu is being mounted on a massive scale with around 175 days of filming and over 2,500 VFX shots. Directed by Bharat Krishnamachari, the pan-Indian period epic is set in 985 AD.
About Author
