റാം പോത്തിനേനി തന്റെ കരിയറിലെ ഏറ്റവും വലിയ ചുവടുവെപ്പുകളിലൊന്നിലേക്ക് കടക്കുകയാണ്. പ്രശസ്ത തെലുങ്ക് താരം ആദ്യമായി സംവിധായകന്റെ കുപ്പായം അണിയുന്ന പുതിയ ചിത്രം ഔദ്യോഗികമായി പ്രഖ്യാപിച്ചു. റാം പോത്തിനേനി തന്നെ നായകനായി എത്തുന്ന ചിത്രം നിർമ്മിക്കുന്നത് റാപോ സിനിമാറ്റിക്‌സിന്റെ ബാനറിൽ കൃഷ്ണ പോത്തിനേനി ആണ്. താരത്തിന്റെ 23-ാം ചിത്രമായാണ് “റാപോ23” ഒരുങ്ങുന്നത്.
റാം പോത്തിനേനിയുടെ ജന്മദിനത്തോടനുബന്ധിച്ചാണ് ചിത്രത്തിന്റെ പ്രഖ്യാപനവും ഫസ്റ്റ് ലുക്ക് പോസ്റ്ററും പുറത്തിറക്കിയത്. സ്റ്റൈലിഷ് സൈക്കോളജിക്കൽ ആക്ഷൻ ത്രില്ലർ വിഭാഗത്തിൽപ്പെടുന്ന ചിത്രം, തെലുങ്ക് സിനിമയിൽ ഇതുവരെ അധികം പരീക്ഷിക്കാത്ത രീതിയിലുള്ള അവതരണമായിരിക്കുമെന്നാണ് റിപ്പോർട്ടുകൾ. തന്റെ മുൻ ചിത്രമായ ആന്ധ്ര കിംഗ് താലൂക്കയിലൂടെ ഗായകനായും ഗാനരചയിതാവായും അരങ്ങേറ്റം കുറിച്ച റാം, ഇപ്പോൾ സംവിധായകനായും തന്റെ ബഹുമുഖ പ്രതിഭ തെളിയിക്കാനൊരുങ്ങുകയാണ്.
ചിത്രത്തിൽ “വീര” എന്ന കഥാപാത്രത്തെയാണ് റാം പോത്തിനേനി അവതരിപ്പിക്കുന്നത്. റിലീസ് ചെയ്ത ജന്മദിന സ്പെഷ്യൽ പോസ്റ്ററിൽ ലെതർ ജാക്കറ്റ് ധരിച്ച് ഇരുണ്ട പശ്ചാത്തലത്തിൽ നിൽക്കുന്ന റാമിന്റെ ലുക്ക് ഇതിനോടകം സോഷ്യൽ മീഡിയയിൽ വൈറലായിക്കഴിഞ്ഞു. ജാക്കറ്റിന്റെ പിന്നിൽ ചുവപ്പ് നിറത്തിൽ അടയാളപ്പെടുത്തിയ “V” എന്ന അക്ഷരം കലാപം, അപകടം, ആധിപത്യം എന്നിവയെ പ്രതിനിധീകരിക്കുന്ന തരത്തിലാണ് ഡിസൈൻ ചെയ്തിരിക്കുന്നത്. “The Story of a Lone Wolf” എന്ന ടാഗ് ലൈൻ, ഏകാന്തതയും സങ്കീർണ്ണമായ മാനസികാവസ്ഥയും നിറഞ്ഞ ഒരു ശക്തമായ കഥാപാത്രത്തെ സൂചിപ്പിക്കുന്നു.
#RAPO23 officially announced 🔥
Ram Pothineni steps into direction for the first time with a stylish psychological action thriller. The intense first-look poster introducing “Veera” and the tagline “The Story of a Lone Wolf” have already gone viral. 🎬⚡#RamPothineni #RAPO23 pic.twitter.com/eURRni7Bw7— CinemaCafe™ Media (@cinemacafemedia) May 15, 2026
സീനിയർ എൻ.ടി.ആർ, കൃഷ്ണ, പവൻ കല്യാൺ തുടങ്ങി അഭിനേതാക്കളിൽ നിന്ന് സംവിധായകരായി മാറിയ താരങ്ങളുടെ നിരയിലേക്കാണ് ഇപ്പോൾ റാം പോത്തിനേനി എത്തുന്നത്. ആരാധകർ ഏറെ പ്രതീക്ഷയോടെയാണ് താരത്തിന്റെ സംവിധാന അരങ്ങേറ്റത്തെ കാണുന്നത്.
ചിത്രത്തിനായി റാം പോത്തിനേനി തന്നെ ശക്തമായ ഒരു ആഖ്യാനം ഒരുക്കിയിട്ടുണ്ടെന്നാണ് അണിയറ പ്രവർത്തകർ വ്യക്തമാക്കുന്നത്. പൂർണ്ണമായും പുതിയതും മുമ്പ് കാണാത്തതുമായ അവതാരത്തിലാണ് താരം ഈ ചിത്രത്തിൽ എത്തുന്നത്. പ്രഖ്യാപന പോസ്റ്ററിന്റെ തീവ്രതയും മേക്കിംഗിന്റെ സ്റ്റൈലും ചിത്രത്തിന്റെ വ്യത്യസ്ത സ്വഭാവം ഇതിനോടകം തന്നെ സൂചിപ്പിക്കുന്നുണ്ട്.
ജൂൺ മാസത്തിൽ ചിത്രത്തിന്റെ റെഗുലർ ഷൂട്ടിംഗ് ആരംഭിക്കാനാണ് പദ്ധതി. 2026 ഡിസംബറിൽ ചിത്രം തിയേറ്ററുകളിലെത്തുമെന്നാണ് നിർമ്മാതാക്കൾ പ്രതീക്ഷിക്കുന്നത്. അഭിനേതാക്കളെയും സാങ്കേതിക സംഘത്തെയും കുറിച്ചുള്ള കൂടുതൽ വിവരങ്ങൾ ഉടൻ പുറത്തുവിടും.
റാം പോത്തിനേനിയുടെ കരിയറിലെ ഏറ്റവും ആകാംക്ഷയോടെ കാത്തിരിക്കുന്ന പ്രോജക്ടുകളിലൊന്നായി “റാപോ23” ഇതിനോടകം മാറിക്കഴിഞ്ഞു.
രചനയും സംവിധാനവും – റാം പോത്തിനേനി, നിർമ്മാണം – കൃഷ്ണ പോത്തിനേനി, ബാനർ – റാപോ സിനിമാറ്റിക്സ്, പി.ആർ.ഒ – ശബരി.
RAPO23: Ram Pothineni Turns Director for Stylish Psychological Action Thriller
Telugu star Ram Pothineni makes his directorial debut with RAPO23, a stylish psychological action thriller. The first-look poster introducing his character Veera has gone viral ahead of the film’s worldwide release in December 2026.
About Author
