പ്രശസ്ത തമിഴ് സംവിധായകൻ റാം രചനയും സംവിധാനവും നിർവഹിച്ച് നിവിൻ പോളി പ്രധാന വേഷത്തിലെത്തുന്ന തമിഴ് റൊമാന്റിക് സൈക്കോളജിക്കൽ ത്രില്ലർ ‘യേഴു കടൽ യേഴു മലൈ’ ഒക്ടോബർ 1ന് ആഗോള റിലീസായി തിയറ്ററുകളിലെത്തും. ദുൽഖർ സൽമാന്റെ വേഫെറർ ഫിലിംസ് ആണ് ചിത്രം കേരളത്തിലെ തിയറ്ററുകളിലെത്തിക്കുന്നത്.
നിവിൻ പോളി, അഞ്ജലി, സൂരി എന്നിവരാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. വി ഹൗസ് പ്രൊഡക്ഷൻസിന്റെ ബാനറിൽ സുരേഷ് കാമാച്ചിയാണ് നിർമ്മാണം. ഗൗതം രാമചന്ദ്രൻ സംവിധാനം ചെയ്ത ‘റിച്ചി’ക്ക് ശേഷം നിവിൻ പോളി തമിഴിൽ പ്രധാന വേഷത്തിലെത്തുന്ന ചിത്രം കൂടിയാണ് ‘യേഴു കടൽ യേഴു മലൈ’.
വ്യത്യസ്തമായ പ്രമേയമാണ് ചിത്രത്തിന്റെ പ്രധാന ആകർഷണം. 8000ത്തിലധികം വർഷങ്ങളായി മരണമില്ലാതെ ജീവിക്കുന്ന ഒരു അമരനായ കഥാപാത്രത്തെയാണ് നിവിൻ പോളി അവതരിപ്പിക്കുന്നതെന്നാണ് ചിത്രത്തെക്കുറിച്ച് പുറത്തുവന്ന വിവരങ്ങൾ സൂചിപ്പിക്കുന്നത്. നൂറ്റാണ്ടുകളിലൂടെ സഞ്ചരിക്കുന്ന പ്രണയവും മനുഷ്യബന്ധങ്ങളും ജീവിതവും കാലവും ചേർത്താണ് റാം ചിത്രത്തിന്റെ കഥാലോകം ഒരുക്കിയിരിക്കുന്നത്.
ഒരു ട്രെയിൻ യാത്രയ്ക്കിടെ കണ്ടുമുട്ടുന്ന സാധാരണക്കാരനായ ഒരാളും നൂറ്റാണ്ടുകളായി തന്റെ പ്രണയം തേടി അലയുന്ന അമരനായ വ്യക്തിയും തമ്മിൽ രൂപപ്പെടുന്ന ബന്ധത്തിലൂടെയാണ് കഥ വികസിക്കുന്നതെന്ന സൂചന നേരത്തെ പുറത്തിറങ്ങിയ ടീസർ നൽകിയിരുന്നു. റൊമാൻസിനൊപ്പം സൈക്കോളജിക്കൽ ത്രില്ലർ സ്വഭാവവും ഫാന്റസി ഘടകങ്ങളും ചിത്രത്തിൽ ഇടംപിടിക്കുന്നുണ്ട്.
തിയറ്റർ റിലീസിന് മുമ്പുതന്നെ അന്താരാഷ്ട്ര ചലച്ചിത്രമേളകളിലൂടെ ‘യേഴു കടൽ യേഴു മലൈ’ ശ്രദ്ധ നേടിയിരുന്നു. 53-ാമത് ഇന്റർനാഷണൽ ഫിലിം ഫെസ്റ്റിവൽ റോട്ടർഡാമിൽ ചിത്രം പ്രീമിയർ ചെയ്തിരുന്നു. മേളയിലെ വി.പി.ആർ.ഒ ബിഗ് സ്ക്രീൻ അവാർഡിനായി മത്സരിക്കാൻ തിരഞ്ഞെടുക്കപ്പെട്ട 12 ചിത്രങ്ങളിൽ ഒന്നായും ചിത്രം ഇടം നേടിയിരുന്നു.
യുവൻ ശങ്കർ രാജയാണ് ചിത്രത്തിന്റെ സംഗീതം ഒരുക്കുന്നത്. നിവിൻ പോളി, അഞ്ജലി, സൂരി എന്നിവർക്കൊപ്പം രവി മരിയ, എൻ. അഴഗം പെരുമാൾ തുടങ്ങിയവരും പ്രധാന വേഷങ്ങളിലെത്തുന്നു.
ഛായാഗ്രഹണം എൻ.കെ. ഏകാംബരം നിർവഹിക്കുമ്പോൾ എഡിറ്റിങ് മതി വി.എസ്. കൈകാര്യം ചെയ്യുന്നു. ഉമേഷ് ജെ. കുമാർ പ്രൊഡക്ഷൻ ഡിസൈനും സ്റ്റണ്ട് സിൽവ ആക്ഷൻ കൊറിയോഗ്രഫിയും നിർവഹിക്കുന്നു. സാൻഡിയാണ് നൃത്തസംവിധാനം.
🌊 #YezhuKadalYezhuMalai arrives October 1!
Nivin Pauly leads director Ram’s romantic psychological thriller alongside Anjali & Soori.
🎬 Dulquer Salmaan’s Wayfarer Films will distribute the film in Kerala.#NivinPauly #WayfarerFilms #DirectorRam pic.twitter.com/IRICkQzp41
— CinemaCafe™ Media (@cinemacafemedia) September 22, 2026
അന്താരാഷ്ട്ര ചലച്ചിത്രമേളകളിലെ പ്രദർശനങ്ങൾക്ക് ശേഷം തിയറ്ററുകളിലേക്ക് എത്തുന്ന ‘യേഴു കടൽ യേഴു മലൈ’ ഒക്ടോബർ 1ന് ആഗോളതലത്തിൽ റിലീസ് ചെയ്യും. കേരളത്തിൽ വേഫെറർ ഫിലിംസാണ് ചിത്രം പ്രേക്ഷകർക്ക് മുന്നിലെത്തിക്കുന്നത്.
അണിയറ പ്രവർത്തകർ: രചന, സംവിധാനം – റാം; നിർമ്മാണം – സുരേഷ് കാമാച്ചി; ബാനർ – വി ഹൗസ് പ്രൊഡക്ഷൻസ്; സംഗീതം – യുവൻ ശങ്കർ രാജ; ഛായാഗ്രഹണം – എൻ.കെ. ഏകാംബരം; എഡിറ്റിങ് – മതി വി.എസ്.; പ്രൊഡക്ഷൻ ഡിസൈൻ – ഉമേഷ് ജെ. കുമാർ; ആക്ഷൻ കൊറിയോഗ്രഫി – സ്റ്റണ്ട് സിൽവ; നൃത്തസംവിധാനം – സാൻഡി; കോസ്റ്റ്യൂം ഡിസൈൻ – ചന്ദ്രകാന്ത് സോനാവാനെ; മേക്കപ്പ് – പട്ടണം റഷീദ്; കേരള വിതരണം – വേഫെറർ ഫിലിംസ്; ❤️ പി.ആർ.ഒ – ശബരി.
Nivin Pauly’s Yezhu Kadal Yezhu Malai Releases October 1; Wayfarer Films to Distribute in Kerala
Nivin Pauly and director Ram’s Yezhu Kadal Yezhu Malai will release worldwide on October 1, 2026. Dulquer Salmaan’s Wayfarer Films will distribute the Tamil romantic psychological thriller in Kerala.
About Author
