മലയാള ചലച്ചിത്ര ലോകം ഇന്നുവരെ കാണാത്ത സാങ്കേതിക തികവോടെ ഒരുങ്ങുന്ന ജയസൂര്യ – റോജിൻ തോമസ് ചിത്രം ‘കത്തനാർ’ ടീസർ ട്രെയ്‌ലർ റിലീസ് തീയതി പുറത്തുവിട്ടു. മാർച്ച് 31-ന് ഉച്ചയ്ക്ക് 1:31-ന് ചിത്രത്തിന്റെ ആദ്യ ദൃശ്യങ്ങൾ പ്രേക്ഷകരിലേക്ക് എത്തും. ‘ഹോം’ എന്ന സൂപ്പർ ഹിറ്റ് ചിത്രത്തിന് ശേഷം റോജിൻ തോമസ് സംവിധാനം ചെയ്യുന്ന ഈ ബിഗ് ബജറ്റ് ചിത്രം ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനാണ് നിർമ്മിക്കുന്നത്.
#Kathanar teaser trailer arriving March 31 🔥
Jayasurya in his biggest role ever, directed by Rojin Thomas 🎬
Big-budget visual spectacle releasing in 15 languages 🌍#Jayasurya #MalayalamCinema #MovieUpdate pic.twitter.com/VZdYQgCNTA
— CinemaCafe™ Media (@cinemacafemedia) March 28, 2026
അന്താരാഷ്ട്ര നിലവാരത്തിൽ ഒരുങ്ങുന്ന ദൃശ്യവിസ്മയം
മലയാള സിനിമയെ ആഗോള തലത്തിലേക്ക് ഉയർത്തുന്ന തരത്തിലുള്ള വിഷ്വൽ എഫക്റ്റുകളും വെർച്വൽ പ്രൊഡക്ഷൻ സാങ്കേതികവിദ്യയുമാണ് കത്തനാരിലുടനീളം ഉപയോഗിച്ചിരിക്കുന്നത്. പോസ്റ്റ് പ്രൊഡക്ഷൻ ജോലികൾ പുരോഗമിക്കുന്ന ചിത്രം 15 ഭാഷകളിലായാണ് പ്രദർശനത്തിനെത്തുന്നത്. ജയസൂര്യയുടെ കരിയറിലെ ഏറ്റവും വലിയ വേഷമാകും കടമറ്റത്ത് കത്തനാരുടേത് എന്ന് ഉറപ്പാണ്.
അനുഷ്ക ഷെട്ടിയും വൻ താരനിരയും
തെന്നിന്ത്യൻ ലേഡി സൂപ്പർസ്റ്റാർ അനുഷ്ക ഷെട്ടി മലയാളത്തിലേക്ക് അരങ്ങേറ്റം കുറിക്കുന്നു എന്നതാണ് ഈ ചിത്രത്തിന്റെ മറ്റൊരു പ്രധാന പ്രത്യേകത. കൂടാതെ പ്രഭുദേവ, സനൂപ് സാൻ, സാൻഡി, ദേവിക, നിതീഷ് ഭരദ്വാജ്, വിനീത്, ഹരീഷ് ഉത്തമൻ തുടങ്ങിയ വൻ താരനിരയും ചിത്രത്തിന്റെ ഭാഗമാണ്.
അണിയറയിലെ കരുത്തർ:
-
രചന: ആർ. രാമാനന്ദ്
-
ഛായാഗ്രഹണം: നീൽ ഡി കുഞ്ഞ
-
സംഗീതം: രാഹുൽ സുബ്രഹ്മണ്യൻ ഉണ്ണി
-
വിഎഫ്എക്സ് ഡയറക്ടർ: റോജിൻ തോമസ്
-
നിർമ്മാണം: ഗോകുലം ഗോപാലൻ (ബൈജു ഗോപാലൻ, വി.സി. പ്രവീൺ – കൊ-പ്രൊഡ്യൂസേഴ്സ്)
മലയാളത്തിന്റെ ഐതിഹ്യവും ഫാന്റസിയും സമന്വയിക്കുന്ന ‘കത്തനാർ’, ഇന്ത്യൻ സിനിമയിലെ തന്നെ ഒരു നാഴികക്കല്ലാകുമെന്നാണ് ട്രെയ്‌ലർ അനൗൺസ്‌മെന്റ് നൽകുന്ന സൂചന.
❤️PRO: ശബരി, വാഴൂർ ജോസ്
Kathanar Teaser Trailer to Release March 31; Jayasurya Big Budget Film
Jayasurya’s big-budget fantasy film Kathanar, directed by Rojin Thomas, will release its teaser trailer on March 31 at 1:31 PM.
About Author
