യുവതാരം ജി.വി. പ്രകാശ് കുമാർ നായകനാകുന്ന ഏറ്റവും പുതിയ ചിത്രം ‘ഹാപ്പി രാജ്’ (Happy Raj) ട്രെയിലർ പുറത്തിറങ്ങി. തമിഴ് സൂപ്പർ താരം ധനുഷ് ആണ് ചിത്രത്തിന്റെ ആവേശകരമായ ട്രെയിലർ സോഷ്യൽ മീഡിയയിലൂടെ റിലീസ് ചെയ്തത്. പുറത്തിറങ്ങി മണിക്കൂറുകൾക്കുള്ളിൽ തന്നെ ട്രെയിലർ യൂട്യൂബ് ട്രെൻഡിംഗ് ലിസ്റ്റിൽ ഇടംപിടിച്ചു കഴിഞ്ഞു. ഒരു കംപ്ലീറ്റ് ഫാമിലി എന്റർടെയിനറായി ഒരുങ്ങുന്ന ചിത്രം മാർച്ച് 27-ന് തിയേറ്ററുകളിലെത്തും.
ലവ്, ലൈഫ്, ലാഫ്റ്റർ; കൂടെ അബ്ബാസിന്റെ തിരിച്ചുവരവും!
മറിയ രാജ എലാഞ്ചെഴിയൻ സംവിധാനം ചെയ്യുന്ന ഈ ചിത്രം പ്രണയത്തിനും തമാശയ്ക്കും പ്രാധാന്യം നൽകുന്ന ഒരു റൊമാന്റിക് കോമഡി എന്റർടെയിനറാണ്. ഒരുകാലത്ത് തെന്നിന്ത്യൻ സിനിമയിലെ ചോക്ലേറ്റ് ഹീറോ ആയിരുന്ന അബ്ബാസ് നീണ്ട ഇടവേളയ്ക്ക് ശേഷം ശ്രദ്ധേയമായ വേഷത്തിൽ തിരിച്ചെത്തുന്നു എന്നതാണ് ‘ഹാപ്പി രാജി’ന്റെ ഏറ്റവും വലിയ സവിശേഷത. ജി.വി. പ്രകാശിനൊപ്പം ഗൗരി പ്രിയ നായികയായി എത്തുന്നു.
Trailer Out Now 🎬🔥#HappyRaj starring GV Prakash Kumar is set to hit theatres on March 27! A complete family entertainer filled with love, comedy & fun ❤️#HappyRajTrailer #TamilCinema #MovieNews pic.twitter.com/LRyEZveCw3
— CinemaCafe™ Media (@cinemacafemedia) March 18, 2026
പ്രധാന ആകർഷണങ്ങൾ:
-
താരനിര: ജോർജ് മറിയൻ, ഗീത കൈലാസം, അധിര, അരുണ്, മധുരൈ മുത്തു തുടങ്ങിയ വൻ താരനിര അണിനിരക്കുന്നു.
-
സംഗീതം: പ്രശസ്ത സംഗീത സംവിധായകൻ ജസ്റ്റിൻ പ്രഭാകരനാണ് ചിത്രത്തിന് ഈണം പകരുന്നത്.
-
അണിയറപ്രവർത്തകർ: മാധൻ ക്രിസ്റ്റഫർ ഛായാഗ്രഹണവും സെൽവ ആർ.കെ. എഡിറ്റിംഗും നിർവ്വഹിക്കുന്നു. ബിയോണ്ട് പിക്ചേഴ്സിന്റെ ബാനറിൽ ജയവർധനാണ് ചിത്രം നിർമ്മിക്കുന്നത്.
കേരളത്തിലും തരംഗമാകാൻ ‘ഹാപ്പി രാജ്’
യുവത്വത്തിന്റെ ആവേശവും കുടുംബ പ്രേക്ഷകർക്ക് ഇഷ്ടപ്പെടുന്ന തമാശകളും പ്രണയത്തിന്റെ രസകരമായ നിമിഷങ്ങളും കോർത്തിണക്കിയാണ് ചിത്രം ഒരുക്കിയിരിക്കുന്നത്. സുരേഷ് നേതൃത്വം നൽകുന്ന എസ്.എസ്.ആർ എന്റർടെയിൻമെന്റ്സ് ആണ് ചിത്രം കേരളത്തിലെ തിയേറ്ററുകളിലേക്ക് എത്തിക്കുന്നത്. ട്രെയിലർ നൽകുന്ന സൂചനകൾ പ്രകാരം ബോക്സ് ഓഫീസിൽ ചിത്രം വലിയ ചലനം സൃഷ്ടിക്കുമെന്നാണ് സിനിമാ പ്രേമികളുടെ വിലയിരുത്തൽ.
ട്രെയിലർ കാണാം: https://youtu.be/3Av8GLKlWp4
❤️ PRO: പ്രതീഷ് ശേഖർ
Happy Raj Trailer Out: GV Prakash Kumar’s Film Set for March 27 Release
GV Prakash Kumar’s comedy romantic entertainer Happy Raj trailer is out now. Directed by Maria Raja Elanchezian, the film hits theatres on March 27.
About Author
