വിഷ്ണു വിശാലിനെയും ഐശ്വര്യ ലക്ഷ്മിയെയും കേന്ദ്ര കഥാപാത്രങ്ങളാക്കി ചെല്ല അയ്യാവു സംവിധാനം ചെയ്ത ഗാട്ട കുസ്തി 2 തിയേറ്ററുകളിൽ വൻ വിജയമായി മുന്നേറുകയാണ്. റിലീസിന് പിന്നാലെ മികച്ച പ്രേക്ഷക പ്രതികരണം നേടിയ ചിത്രം ഇപ്പോൾ വിഷ്ണു വിശാലിന്റെ കരിയറിലെ ഏറ്റവും വലിയ വിജയ ചിത്രങ്ങളിലൊന്നായി മാറിയിരിക്കുകയാണ്.
ചിത്രത്തിന്റെ വിജയാഘോഷങ്ങൾക്കിടെ, പ്രേക്ഷക പ്രിയമായി മാറിയ ‘സംഭവക്കാരി’ എന്ന ഗാനത്തിന്റെ വീഡിയോ പതിപ്പും അണിയറ പ്രവർത്തകർ പുറത്തിറക്കി. മോഹൻ രാജൻ എഴുതിയ ഗാനത്തിന് സംഗീതം നൽകിയിരിക്കുന്നത് ഷോൺ റോൾഡനാണ്. ഷോൺ റോൾഡനും സൈന്ദവിയും ചേർന്നാണ് ഗാനം ആലപിച്ചിരിക്കുന്നത്.
വിഷ്ണു വിശാലും ഐശ്വര്യ ലക്ഷ്മിയും ഒരുമിച്ച് എത്തുന്ന ഗാനരംഗങ്ങളാണ് വീഡിയോയുടെ പ്രധാന ആകർഷണം. ഇരുവരുടെയും പ്രണയ നിമിഷങ്ങളും മനോഹരമായ നൃത്ത ചുവടുകളും കോർത്തിണക്കിയ ഗാനം നേരത്തെ തന്നെ സോഷ്യൽ മീഡിയയിലും സംഗീത പ്ലാറ്റ്‌ഫോമുകളിലും ശ്രദ്ധ നേടിയിരുന്നു. വീഡിയോ റിലീസായതോടെ വീണ്ടും ഗാനത്തിന് വലിയ സ്വീകാര്യത ലഭിക്കുകയാണ്.
ജൂലൈ 3-ന് തിയേറ്ററുകളിലെത്തിയ ചിത്രം തമിഴ്നാട്ടിലുടനീളം മികച്ച കളക്ഷൻ നേടുന്നതിനൊപ്പം കേരളത്തിലും മികച്ച പ്രേക്ഷക പിന്തുണയോടെയാണ് പ്രദർശനം തുടരുന്നത്. കേരളത്തിലെ വിതരണാവകാശം ഏറ്റെടുത്തത് E4 എന്റർടെയ്ൻമെന്റാണ്. വേൽസ് ഫിലിം ഇന്റർനാഷണലും വിഷ്ണു വിശാൽ സ്റ്റുഡിയോസും ചേർന്നാണ് ചിത്രം നിർമ്മിച്ചിരിക്കുന്നത്.
ഒരു കുടുംബത്തിന്റെ ജീവിതത്തിൽ അരങ്ങേറുന്ന രസകരവും അപ്രതീക്ഷിതവുമായ സംഭവങ്ങളിലൂടെയാണ് ഗാട്ട കുസ്തി 2യുടെ കഥ വികസിക്കുന്നത്. വിഷ്ണു വിശാൽ, ഐശ്വര്യ ലക്ഷ്മി, അവരുടെ മകൾ എന്നിവരെ ചുറ്റിപ്പറ്റി നടക്കുന്ന സംഭവവികാസങ്ങൾ നർമ്മവും വികാരവും നിറച്ചാണ് അവതരിപ്പിച്ചിരിക്കുന്നത്. കുടുംബ പ്രേക്ഷകരെ പൂർണമായി തൃപ്തിപ്പെടുത്തുന്ന ഒരു സമ്പൂർണ ഫാമിലി എന്റർടെയ്‌നറായാണ് ചിത്രം ഒരുക്കിയിരിക്കുന്നത്.
ആദ്യ ഭാഗത്തിന്റെ കഥയ്ക്ക് തുടർച്ചയായാണ് രണ്ടാം ഭാഗം എത്തുന്നത്. ഗുസ്തി മത്സരങ്ങൾ, ആക്ഷൻ രംഗങ്ങൾ, കുടുംബ നർമ്മം, വൈകാരിക മുഹൂർത്തങ്ങൾ എന്നിവയെല്ലാം സമന്വയിപ്പിച്ച് എല്ലാ പ്രായക്കാരെയും ആകർഷിക്കുന്ന തരത്തിലാണ് ചിത്രം ഒരുക്കിയിരിക്കുന്നത്.
വിഷ്ണു വിശാലിനും ഐശ്വര്യ ലക്ഷ്മിക്കും പുറമെ രമ്യ കൃഷ്ണൻ, മോക്ഷ, കരുണാസ്, കാളി വെങ്കട്, യോഗി ബാബു, കരുണാകരൻ, മുനിസ്കാന്ത്, സാറ എന്നിവർ ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു.
ഡോ. ഇഷാരി കെ. ഗണേഷും വിഷ്ണു വിശാലും ചേർന്നാണ് ചിത്രത്തിന്റെ നിർമ്മാണം. ശുഭ്ര, ആര്യൻ രമേശ്, ഇഷാൻ സക്സേന എന്നിവർ സഹനിർമ്മാതാക്കളാണ്. കെ.എം. ഭാസ്കരൻ ഛായാഗ്രഹണവും ഭരത് വിക്രമൻ എഡിറ്റിംഗും നിർവഹിച്ചിരിക്കുന്നു. ജയചന്ദ്രൻ ആർട്ട് ഡയറക്ഷനും രുചി മുനോത്ത് വസ്ത്രാലങ്കാരവും കൈകാര്യം ചെയ്യുന്നു.
🎵 The official video of #Sambavakaari from #GattaKusthi2 is now out!
✨ Featuring the charming chemistry of #VishnuVishal and #AishwaryaLekshmi, the song is winning hearts as the film continues its blockbuster theatrical run.
🎶 Music by #SeanRoldan | Sung by Sean Roldan &… pic.twitter.com/OMIrxFpLrw
— CinemaCafe™ Media (@cinemacafemedia) July 12, 2026
സാജിദ് അലി സബ്ടൈറ്റിലുകളും വിയാക്കി പബ്ലിസിറ്റി ഡിസൈനും നിർവഹിച്ചിരിക്കുന്നു. സിദ്ധാർഥ് ശ്രീനിവാസ് മാർക്കറ്റിംഗ്, പ്രമോഷൻ പ്രവർത്തനങ്ങൾക്ക് നേതൃത്വം നൽകുമ്പോൾ ബി. ജയ്ഗണേഷ്, എ.ആർ. ചന്ദ്രമോഹൻ എന്നിവർ പ്രൊഡക്ഷൻ എക്സിക്യൂട്ടീവുകളായി പ്രവർത്തിക്കുന്നു. സീതാറാം എക്സിക്യൂട്ടീവ് പ്രൊഡ്യൂസറായും ശ്രാവന്തി സായ്‌നാഥ് ക്രിയേറ്റീവ് പ്രൊഡ്യൂസറായും പ്രവർത്തിക്കുന്നു. ചിത്രത്തിന്റെ ❤️ പി.ആർ.ഒ ശബരിയാണ്.
തിയേറ്ററുകളിൽ വിജയകരമായി പ്രദർശനം തുടരുന്ന ഗാട്ട കുസ്തി 2 കുടുംബ പ്രേക്ഷകരുടെ പ്രിയചിത്രമായി മാറിക്കൊണ്ടിരിക്കുകയാണ്.
Gatta Kusthi 2 Video Song Out: Vishnu Vishal & Aishwarya Lekshmi Shine in Sambavakaari
The video song of Sambavakaari from Gatta Kusthi 2 is now out. Starring Vishnu Vishal and Aishwarya Lekshmi, the blockbuster family entertainer continues its successful theatrical run with strong audience response across Tamil Nadu and Kerala.
About Author
