മോഹൻലാൽ നായകനാകുന്ന ക്രൈം ത്രില്ലർ ചിത്രം ‘ദൃശ്യം 3’ റിലീസിനെച്ചൊല്ലി ആരാധകർക്കിടയിൽ ഏറെ ചർച്ചകളും അനിശ്ചിതത്വങ്ങളും നിലനിന്നിരിക്കെയാണ് സൂപ്പർസ്റ്റാർ മോഹൻലാൽ നൽകിയ സർപ്രൈസ് പ്രഖ്യാപനം. ബുധനാഴ്ച രാത്രി സോഷ്യൽ മീഡിയയിലൂടെ നടത്തിയ പ്രഖ്യാപനത്തിൽ ‘ദൃശ്യം 2’ ഏപ്രിൽ 11ന് തിയേറ്ററുകളിലേക്ക് എത്തുന്നുവെന്നാണ് അദ്ദേഹം അറിയിച്ചത്.
ജിസിസി രാജ്യങ്ങളിലെ സംഘർഷാവസ്ഥയെ തുടർന്ന് ‘ദൃശ്യം 3’ റിലീസ് തീയതിയിൽ മാറ്റം വരുത്തേണ്ടി വന്ന സാഹചര്യത്തിലാണ് ഈ അപ്രതീക്ഷിത പ്രഖ്യാപനം. കോവിഡ് മഹാമാരിക്കാലത്ത് പുറത്തിറങ്ങിയ ‘ദൃശ്യം 2’ തിയേറ്ററുകളിൽ റിലീസ് ചെയ്യാൻ സാധിക്കാതെ ഒടിടി പ്ലാറ്റ്ഫോമായ ആമസോൺ പ്രൈമിലൂടെ റിലീസ് ചെയ്തിരുന്നു. അന്നത്തെ നിയന്ത്രണങ്ങളും സാഹചര്യങ്ങളും കാരണം സിനിമ തിയേറ്റർ അനുഭവം നഷ്ടമായിരുന്നു.
എന്നാൽ ഇപ്പോൾ പ്രേക്ഷകർക്ക് ‘ദൃശ്യം 2’ വീണ്ടും തിയേറ്ററുകളിൽ അനുഭവിക്കാൻ അവസരം ലഭിക്കുകയാണ്. ഒടിടിയിൽ വലിയ വിജയം നേടിയ ശേഷം തിയേറ്ററുകളിൽ റിലീസ് ചെയ്യുന്ന ആദ്യ മലയാള ചിത്രം എന്ന പ്രത്യേകതയും ‘ദൃശ്യം 2’ സ്വന്തമാക്കും.
2013ൽ പുറത്തിറങ്ങിയ ‘ദൃശ്യം’ മലയാള സിനിമയിലെ എക്കാലത്തെയും മികച്ച ത്രില്ലറുകളിൽ ഒന്നായി വിലയിരുത്തപ്പെടുന്നു. എട്ട് വർഷങ്ങൾക്ക് ശേഷം 2021ൽ പുറത്തിറങ്ങിയ ‘ദൃശ്യം 2’ ഒടിടിയിലും വൻ വിജയമായി മാറിയിരുന്നു.
Surprise from Mohanlal 🔥#Drishyam2 returns to theatres on April 11, after its blockbuster OTT success 🎬Meanwhile, #Drishyam3 is expected to release on May 21 👀#Mohanlal #MalayalamCinema #MovieUpdate pic.twitter.com/xlegqDUpXO
— CinemaCafe™ Media (@cinemacafemedia) March 26, 2026
ഇതിനിടെ ഏറെ പ്രതീക്ഷയോടെ കാത്തിരിക്കുന്ന ‘ദൃശ്യം 3’ മേയ് 21ന് തിയേറ്ററുകളിലെത്തുമെന്നാണ് റിപ്പോർട്ടുകൾ. ജിത്തു ജോസഫ് സംവിധാനം ചെയ്യുന്ന ‘ദൃശ്യം’ ഫ്രാഞ്ചൈസിയുടെ മൂന്നാം ഭാഗത്തിനായുള്ള ആരാധകരുടെ ആവേശം ഇതിനോടകം തന്നെ ഉയർന്നിരിക്കുകയാണ്.
വീണ്ടും തിയേറ്റർ അനുഭവവുമായി ‘ദൃശ്യം 2’ എത്തുമ്പോൾ, ‘ദൃശ്യം 3’ റിലീസിനായുള്ള കാത്തിരിപ്പും ഇരട്ടിയാകുകയാണ്.
Drishyam 2 to Release in Theatres on April 11; Mohanlal Makes Surprise Announcement
Mohanlal announces theatrical release of Drishyam 2 on April 11 amid discussions about Drishyam 3. The blockbuster crime thriller returns to theatres after OTT success.
About Author
