ടോവിനോ തോമസ് നായകനായ **‘നരിവേട്ട’**യ്ക്ക് ശേഷം പുതിയ സിനിമയുമായി ഇന്ത്യൻ സിനിമാ കമ്പനി. ടിപ്പുഷാൻ വി.ഇ, ഷിയാസ് ഹസൻ എന്നിവർ ചേർന്ന് നിർമ്മിക്കുന്ന ബാനറിന്റെ പ്രൊഡക്ഷൻ നമ്പർ 3ന്റെ പൂജാ ചടങ്ങുകൾ മൈസൂരിൽ നടന്നു. ഷറഫുദ്ദീനും അലൻ ബിൻ സിറാജും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നു.
മൈസൂരിലെ പുരാതനമായ അലോക പാലസിൽ നടന്ന ചടങ്ങിൽ നിർമ്മാതാവ് ടിപ്പുഷാൻ ആദ്യ ദീപം തെളിയിച്ച് ചിത്രത്തിന് തുടക്കം കുറിച്ചു. സംവിധായകൻ ജിതേഷ് എസ്. റാമിന്റെ മാതാവ് ഷൈലജ സുനിൽ കുമാർ സ്വിച്ചോൺ കർമ്മം നിർവഹിച്ചപ്പോൾ ഷറഫുദ്ദീൻ ഫസ്റ്റ് ക്ലാപ്പ് നൽകി.
ജിതേഷ് എസ്. റാം സംവിധാനം ചെയ്യുന്ന ചിത്രം ഒരു ഫാമിലി കോമഡി എന്റർടെയ്‌നറായാണ് ഒരുങ്ങുന്നത്. സോഷ്യൽ മീഡിയയിൽ ശ്രദ്ധ നേടിയ ‘കോളേജ് മുക്ക്’ എന്ന ഷോർട്ട് ഫിലിമിലൂടെ ജിതേഷ് നേരത്തെ പ്രേക്ഷകശ്രദ്ധ നേടിയിരുന്നു. കുടുംബ പശ്ചാത്തലത്തിൽ നർമ്മത്തിന് പ്രാധാന്യം നൽകുന്ന സിനിമയായിരിക്കും പുതിയ ചിത്രമെന്നാണ് അണിയറപ്രവർത്തകർ നൽകുന്ന സൂചന.
ഷറഫുദ്ദീനും അലൻ ബിൻ സിറാജും കേന്ദ്ര കഥാപാത്രങ്ങളാകുന്ന ചിത്രത്തിന്റെ മറ്റ് താരങ്ങളെക്കുറിച്ചുള്ള വിവരങ്ങൾ അണിയറപ്രവർത്തകർ ഇതുവരെ പുറത്തുവിട്ടിട്ടില്ല. താരനിരയും സാങ്കേതിക പ്രവർത്തകരും ഉൾപ്പെടെയുള്ള കൂടുതൽ പ്രഖ്യാപനങ്ങൾ വൈകാതെ ഉണ്ടാകും.
🎬 A new film from the makers of ‘Narivetta’!
Indian Cinema Company begins Production No. 3, starring Sharafudheen & Alan Bin Siraj. Directed by Jithesh S. Ram, the family comedy entertainer has officially begun in Mysuru.#Sharafudheen #MalayalamCinema pic.twitter.com/r6rxqiQvoC
— CinemaCafe™ Media (@cinemacafemedia) September 5, 2026
ടോവിനോ തോമസിനെ നായകനാക്കി ഒരുക്കിയ ‘നരിവേട്ട’യ്ക്ക് പിന്നാലെ വ്യത്യസ്തമായ പ്രമേയങ്ങളും സിനിമാ സ്വഭാവങ്ങളുമുള്ള പ്രോജക്ടുകളുമായി മുന്നോട്ടുപോകുകയാണ് ഇന്ത്യൻ സിനിമാ കമ്പനി. അതിന്റെ തുടർച്ചയായാണ് ഫാമിലി കോമഡി എന്റർടെയ്‌നർ സ്വഭാവത്തിലുള്ള മൂന്നാമത്തെ നിർമ്മാണ സംരംഭവും ഒരുങ്ങുന്നത്.
അണിയറ പ്രവർത്തകർ: സംവിധാനം – ജിതേഷ് എസ്. റാം; നിർമ്മാണം – ടിപ്പുഷാൻ വി.ഇ, ഷിയാസ് ഹസൻ; ബാനർ – ഇന്ത്യൻ സിനിമാ കമ്പനി; പ്രോജക്ട് ഡിസൈനർ – വൈശാഖ് സി. വടക്കേവീട്; എക്സിക്യൂട്ടീവ് പ്രൊഡ്യൂസർ – പ്രണവ് പറശ്ശിനി; പ്രൊഡക്ഷൻ കൺട്രോളർ – ഷിബു സി. സുശീലൻ. മറ്റ് അണിയറ പ്രവർത്തകരുടെ വിവരങ്ങൾ വൈകാതെ പ്രഖ്യാപിക്കും.
Indian Cinema Company Announces Production No. 3 with Sharafudheen & Alan Bin Siraj
After Narivetta, Indian Cinema Company begins its third production starring Sharafudheen and Alan Bin Siraj. Directed by Jithesh S. Ram, the family comedy entertainer has begun with a pooja ceremony in Mysuru.
About Author
