സൂര്യ–മമിത ബൈജു ചിത്രം *‘വിശ്വനാഥ് ആൻഡ് സൺസ്’*യിലെ വെഡ്ഡിംഗ് സോങ് പ്രമോ പുറത്തിറങ്ങി; ഓഗസ്റ്റ് 14ന് ആഗോള റിലീസ്

‘വെഡ്ഡിംഗ് സോങ്’ എന്ന പേരിലെത്തുന്ന ഗാനത്തിന്റെ പ്രത്യേകത, സൂര്യ തന്നെയാണ് ഇത് ആലപിച്ചിരിക്കുന്നത് എന്നതാണ്. താരത്തിന്റെ ജന്മദിനത്തോടനുബന്ധിച്ചാണ് പ്രമോ വീഡിയോ പ്രേക്ഷകരിലേക്ക് എത്തിച്ചത്. ഗാനത്തിന്റെ പൂർണരൂപം ജൂലൈ 25ന് പുറത്തിറങ്ങും.

സൂര്യയ്ക്കൊപ്പം മലയാളി താരം മമിത ബൈജു നായികയായി എത്തുന്ന ഗാനത്തിൽ ഇരുവരുടെയും ഊർജസ്വലമായ നൃത്തച്ചുവടുകളാണ് പ്രധാന ആകർഷണം. വിവാഹാഘോഷത്തിന്റെ പശ്ചാത്തലത്തിൽ ഒരുക്കിയ വർണാഭമായ ദൃശ്യങ്ങളും സൂര്യ–മമിത കൂട്ടുകെട്ടിന്റെ സ്ക്രീൻ കെമിസ്ട്രിയും ഗാനത്തിന് കൂടുതൽ ആവേശം പകരുന്നുവെന്നാണ് പ്രമോ നൽകുന്ന സൂചന.

കെൻ കരുണാസാണ് ഗാനത്തിന്റെ വരികൾ എഴുതിയിരിക്കുന്നത്. ജി.വി. പ്രകാശ് കുമാറാണ് ചിത്രത്തിലെ ഗാനങ്ങൾക്കും പശ്ചാത്തലസംഗീതത്തിനും ഈണം പകർന്നത്. നേരത്തെ പുറത്തിറങ്ങിയ ചിത്രത്തിലെ ആദ്യ ഗാനമായ ‘പട്ടാമ്പൂച്ചി’ വലിയ ജനപ്രീതി നേടിയിരുന്നു. അതിന് പിന്നാലെയാണ് വെഡ്ഡിംഗ് സോങ്ങിന്റെ പ്രമോയും പ്രേക്ഷകരിലേക്ക് എത്തുന്നത്.

ഫോർച്യൂൺ ഫോർ സിനിമാസുമായി സഹകരിച്ച് സിതാര എന്റർടെയ്ൻമെന്റ്സിന്റെ ബാനറിൽ സൂര്യദേവര നാഗ വംശിയും സായ് സൗജന്യയും ചേർന്നാണ് ചിത്രം നിർമ്മിക്കുന്നത്. ശ്രീകര സ്റ്റുഡിയോസാണ് ചിത്രം അവതരിപ്പിക്കുന്നത്.

റിലീസിന് മുൻപുതന്നെ വലിയ പ്രീ-റിലീസ് ബിസിനസ് സ്വന്തമാക്കിയ ചിത്രം സൂര്യയുടെ കരിയറിലെ ഏറ്റവും ശ്രദ്ധേയമായ പ്രോജക്ടുകളിലൊന്നായി മാറിയിരിക്കുകയാണ്. ചിത്രത്തിന്റെ വിവിധ അവകാശങ്ങളിലൂടെ ഏകദേശം 300 കോടി രൂപയുടെ ബിസിനസ് നടന്നതായാണ് അണിയറവിവരം. ഒടിടി അവകാശം നെറ്റ്ഫ്ലിക്സ് സ്വന്തമാക്കിയതായും റിപ്പോർട്ടുകളുണ്ട്.

💍 The celebration has begun!

The #WeddingSongPromo from #VishwanathAndSons is out now!

🎤 Sung by Suriya
🎵 Music by GV Prakash Kumar
Featuring Suriya and Mamitha Baiju, the full song releases on July 25, while the film arrives in theatres worldwide on August 14, 2026.… pic.twitter.com/muLiajxW5B

— CinemaCafe™ Media (@cinemacafemedia) July 23, 2026

Wishing the powerhouse.
Wishing The One. ❤️
Happy Birthday, @Suriya_offl sir.
From the Team of #Suriya47#JithuMadhavan@ZhagaramOffl @2D_ENTPVTLTD#HBDTheOneSuriya pic.twitter.com/PGZkhm7Qae

— CinemaCafe™ Media (@cinemacafemedia) July 23, 2026

സൂര്യയുടെ കരിയറിലെ 46-ാമത്തെ ചിത്രമായാണ് ‘വിശ്വനാഥ് ആൻഡ് സൺസ്’ എത്തുന്നത്. ലക്കി ഭാസ്കർ എന്ന വിജയചിത്രത്തിന് ശേഷം വെങ്കി അറ്റ്ലൂരി സംവിധാനം ചെയ്യുന്ന ചിത്രം കൂടിയാണിത്. സംവിധായകൻ തന്നെയാണ് ചിത്രത്തിന്റെ രചനയും നിർവഹിച്ചിരിക്കുന്നത്.

ടീസർ, പോസ്റ്ററുകൾ, ഗാനങ്ങൾ എന്നിവ നൽകുന്ന സൂചനപ്രകാരം കുടുംബബന്ധങ്ങളും നർമ്മവും പ്രണയവും ആഘോഷനിമിഷങ്ങളും കോർത്തിണക്കുന്ന സമ്പൂർണ ഫാമിലി എന്റർടെയ്‌നറായിരിക്കും ചിത്രം. സൂര്യയ്ക്കും മമിത ബൈജുവിനുമൊപ്പം രവീണ ടണ്ഡൻ, രാധിക ശരത്കുമാർ, ഭവാനി ശ്രീ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.

സാങ്കേതിക പ്രവർത്തകർ

രചന, സംവിധാനം: വെങ്കി അറ്റ്ലൂരി
നിർമ്മാണം: സൂര്യദേവര നാഗ വംശി, സായ് സൗജന്യ
ഛായാഗ്രഹണം: നിമിഷ് രവി
സംഗീതം: ജി.വി. പ്രകാശ് കുമാർ
എഡിറ്റിംഗ്: നവീൻ നൂലി
പ്രൊഡക്ഷൻ ഡിസൈൻ: ബംഗ്ലാൻ
എക്സിക്യൂട്ടീവ് പ്രൊഡ്യൂസർ: യലമഞ്ചിളി ഗോപാലകൃഷ്ണ
ലൈൻ പ്രൊഡ്യൂസർ: കരുമാഞ്ചി ഉമാ മഹേശ്വര റാവു
കലാസംവിധാനം: ശിവ കാമേഷ് ഡി., ജിത്തു സെബാസ്റ്റ്യൻ
സംഘട്ടനം: വി. വെങ്കട്ട്
നൃത്തസംവിധാനം: ശേഖർ വിജെ, വിജയ് ബിന്നി
സംഭാഷണം: കെ.എൻ. വിജയകുമാർ
ചീഫ് കോ-ഡയറക്ടർ: ശ്രീവാസ്തവ
കോ-ഡയറക്ടർ: അഞ്ജി ചോഡപനിഡി
വി.എഫ്.എക്സ് സൂപ്പർവൈസർ: വാസുദേവ റാവു മൊജ്ജാദ
ഡി.ഐ: ന്യൂബ് സ്റ്റുഡിയോസ്
കളറിസ്റ്റ്: വൈശാഖ് ശിവ
ഡോൾബി അറ്റ്മോസ് മിക്സ്: ടി. ഉദയ് കുമാർ
ടീസർ കട്ട്: ബലറാം കൃഷ്ണൻ, വിഷ്ണു രാമഗിരി, നിഖിൽ നാദെല്ല
കോസ്റ്റ്യൂം ഡിസൈൻ: അർച്ചന റാവു, സന്ധ്യ സബ്ബവരപു
പ്രൊഡക്ഷൻ കൺട്രോളർ: രുദ്രേഷ് എസ്.
പബ്ലിസിറ്റി ഡിസൈൻ: കബിലൻ
ഡിജിറ്റൽ മാർക്കറ്റിംഗ്: സന്ദീപ് കുൽക്കർണി
❤️പി.ആർ.ഒ: ശബരി