പൃഥ്വിരാജ് സുകുമാരൻ, വൈശാഖ്, ജിനു എബ്രഹാം എന്നിവർ ഒന്നിക്കുന്ന ബിഗ് ബജറ്റ് ചിത്രം *‘ഖലീഫ’*യിലെ പ്രണയഗാനമായ ‘അസലായവളെ’ സോഷ്യൽ മീഡിയയിലും യൂട്യൂബിലും വൻ തരംഗമായി മാറുന്നു. റിലീസ് ചെയ്ത് വെറും 24 മണിക്കൂറിനുള്ളിൽ ഒന്നര മില്യൺ (1.5 മില്യൺ) കാഴ്ചക്കാരെ സ്വന്തമാക്കിയ ഗാനത്തിന് മികച്ച പ്രേക്ഷക പ്രതികരണമാണ് ലഭിക്കുന്നത്.
ജേക്സ് ബിജോയ് സംഗീതം പകർന്ന ഈ പ്രണയഗാനം സിദ് ശ്രീറാമും മഖ്ബൂൽ മൻസൂറും ചേർന്നാണ് ആലപിച്ചിരിക്കുന്നത്. ഗാനത്തിന്റെ വരികൾ രചിച്ചിരിക്കുന്നത് മുത്തുവാണ്. മനോഹരമായ ഈണവും ഹൃദയസ്പർശിയായ വരികളും ചേർന്ന ‘അസലായവളെ’ ഇതിനോടകം തന്നെ സംഗീതാസ്വാദകരുടെ പ്ലേലിസ്റ്റുകളിൽ ഇടംപിടിച്ചിട്ടുണ്ട്.
ഇൻസ്റ്റഗ്രാം റീലുകളിലും മറ്റ് സോഷ്യൽ മീഡിയ പ്ലാറ്റ്‌ഫോമുകളിലും വ്യാപകമായി പങ്കുവെക്കപ്പെടുന്ന ഗാനത്തിന് മികച്ച സ്വീകാര്യതയാണ് ലഭിക്കുന്നത്. നിലവിലെ കാഴ്ചക്കാരുടെ എണ്ണവും പ്രേക്ഷക പ്രതികരണവും വിലയിരുത്തുമ്പോൾ, രണ്ടുദിവസത്തിനുള്ളിൽ തന്നെ രണ്ട് മില്യൺ കാഴ്ചക്കാരെന്ന നേട്ടം കൈവരിക്കുമെന്ന പ്രതീക്ഷയിലാണ് അണിയറ പ്രവർത്തകർ.
പൃഥ്വിരാജ് സുകുമാരന്റെ സ്റ്റൈലിഷ് ലുക്കും തെലുങ്ക് താരം മാളവിക ശർമ്മയുമായുള്ള മനോഹരമായ പ്രണയരംഗങ്ങളുമാണ് ഗാനത്തിന്റെ പ്രധാന ആകർഷണം. മലയാളത്തിലേക്കുള്ള മാളവികയുടെ അരങ്ങേറ്റ ചിത്രമായ *‘ഖലീഫ’*യിലെ ഈ ഗാനത്തിലൂടെ ഇരുവരുടെയും സ്ക്രീൻ കെമിസ്ട്രി പ്രേക്ഷകർ ഏറ്റെടുത്തുകഴിഞ്ഞു.
“പ്രതികാരം സുവർണ്ണ ലിപികളാൽ എഴുതപ്പെടും” എന്ന ടാഗ്‌ലൈനോടെയാണ് ചിത്രം എത്തുന്നത്. മാമ്പറയ്ക്കൽ ആമിർ അലി എന്ന കഥാപാത്രമായാണ് പൃഥ്വിരാജ് എത്തുന്നത്. മാമ്പറയ്ക്കൽ അഹമ്മദ് അലി എന്ന കഥാപാത്രത്തിൽ മോഹൻലാൽ പ്രത്യേക അതിഥി വേഷത്തിലെത്തുന്ന ചിത്രത്തിന്റെ രണ്ടാം ഭാഗത്തിൽ അദ്ദേഹം കേന്ദ്ര കഥാപാത്രമാകുമെന്ന പ്രത്യേകതയും ഇതിനുണ്ട്.
ബോളിവുഡ് താരം നീൽ നിതിൻ മുകേഷ് മലയാളത്തിൽ ആദ്യമായി അഭിനയിക്കുന്ന ചിത്രവും ഖലീഫ തന്നെയാണ്. അദ്ദേഹത്തിന്റെ സാന്നിധ്യവും ചിത്രത്തിന് ദേശീയ തലത്തിൽ കൂടുതൽ ശ്രദ്ധ നേടിക്കൊടുക്കുന്നുണ്ട്.
🔥 1.5 MILLION VIEWS. 24 HOURS. ONE LOVE ANTHEM! ❤️#Asalayavale from #Khalifa has crossed 1.5 million YouTube views within just 24 hours.
🎵 Music: Jakes Bejoy
🎤 Vocals: Sid Sriram & Makbool Mansoor
🌍 #Khalifa releases worldwide on August 20, 2026.#PrithvirajSukumaran… pic.twitter.com/D9Y6KNdHre— CinemaCafe™ Media (@cinemacafemedia) July 22, 2026
സ്വർണക്കള്ളക്കടത്തിന്റെ പശ്ചാത്തലത്തിൽ വികസിക്കുന്ന കഥയാണ് ഖലീഫ അവതരിപ്പിക്കുന്നത്. നേരത്തെ പുറത്തിറങ്ങിയ ഗ്ലിംപ്സ് വീഡിയോ സ്റ്റൈലിഷ് ആക്ഷൻ, വമ്പൻ ചേസ് രംഗങ്ങൾ, വിപുലമായ ദൃശ്യാവിഷ്കാരം എന്നിവകൊണ്ട് വലിയ ശ്രദ്ധ നേടിയിരുന്നു. മാസ് ആക്ഷൻ ത്രില്ലറായാണ് ചിത്രം ഒരുങ്ങുന്നത്.
പോക്കിരി രാജയ്ക്ക് ശേഷം വൈശാഖും പൃഥ്വിരാജും വീണ്ടും ഒന്നിക്കുന്ന ചിത്രമാണിത്. അതുപോലെ മാസ്റ്റേഴ്സ്, ലണ്ടൻ ബ്രിഡ്ജ്, ആദം ജോൺ, കടുവ എന്നീ ചിത്രങ്ങൾക്ക് ശേഷം ജിനു എബ്രഹാമും പൃഥ്വിരാജും വീണ്ടും കൈകോർക്കുന്നതും ചിത്രത്തിന്റെ മറ്റൊരു പ്രത്യേകതയാണ്.
ലണ്ടൻ, ദുബായ്, കേരളം, നേപ്പാൾ എന്നിവിടങ്ങളിലായി ചിത്രീകരിച്ച ഖലീഫ ഈ വർഷത്തെ ഓണം റിലീസായി 2026 ഓഗസ്റ്റ് 20ന് ലോകമെമ്പാടുമുള്ള തിയേറ്ററുകളിൽ എത്തും.
സാങ്കേതിക പ്രവർത്തകർ
നിർമ്മാണം: ജിനു എബ്രഹാം, സൂരജ് കുമാർ (ജിനു ഇന്നോവേഷൻ)
സഹനിർമ്മാതാക്കൾ: സിജോ സെബാസ്റ്റ്യൻ, ശ്രീലാൽ ശൂലപാണി
സംവിധാനം: വൈശാഖ്
രചന: ജിനു എബ്രഹാം
ഛായാഗ്രഹണം: ജോമോൻ ടി. ജോൺ
സംഗീതം: ജേക്സ് ബിജോയ്
എഡിറ്റിംഗ്: ചമൻ ചാക്കോ
പ്രൊഡക്ഷൻ ഡിസൈൻ: മോഹൻദാസ്
ആക്ഷൻ: യാനിക്ക് ബെൻ, ഫീനിക്സ് പ്രഭു, ചേതൻ ഡിസൂസ
കോ ഡയറക്ടർ: സുരേഷ് ദിവാകർ
എക്സിക്യൂട്ടീവ് പ്രൊഡ്യൂസർ: ഷൈൻ വർഗീസ്
വസ്ത്രാലങ്കാരം: മഷർ ഹംസ
കലാസംവിധാനം: വിശ്വനാഥ് അരവിന്ദ്
മേക്കപ്പ്: അമൽ ചന്ദ്രൻ
സൗണ്ട് ഡിസൈൻ: സിങ്ക് സിനിമ
അഡീഷണൽ മ്യൂസിക്: ജാബിർ സുലൈം
ഫൈനൽ മിക്സ്: എം.ആർ. രാജാകൃഷ്ണൻ
പ്രൊഡക്ഷൻ കൺട്രോളർ: റെനി ദിവാകർ, വിനോഷ് കൈമൾ
കളറിസ്റ്റ്: ശ്രീക് വാര്യർ
പോസ്റ്റർ ഡിസൈൻ: എയ്സ്തെറ്റിക്ക് കുഞ്ഞമ്മ
ഡി.ഐ: കളർ പ്ലാനറ്റ്
വി.എഫ്.എക്സ്: പ്രശാന്ത് നായർ (3DS)
സ്റ്റിൽസ്: സിനറ്റ് സേവ്യർ
പ്രമോഷൻസ് & മാർക്കറ്റിംഗ്: വിപിൻകുമാർ പൊഫാറ്റിയോ
❤️പി.ആർ.ഒ: ശബരി
Asalayavale Crosses 1.5 Million Views in 24 Hours | Khalifa Romantic Song Trends Online
The romantic song Asalayavale from Prithviraj Sukumaran’s Khalifa has crossed 1.5 million views within 24 hours of its release. Composed by Jakes Bejoy and sung by Sid Sriram and Makbool Mansoor, the film releases worldwide on August 20, 2026.
About Author
