ഓണം റിലീസായി തിയറ്ററുകളിലെത്തിയ പൃഥ്വിരാജ് സുകുമാരൻ–വൈശാഖ് ചിത്രം ‘ഖലീഫ’ മികച്ച പ്രേക്ഷക പ്രതികരണത്തോടെ പ്രദർശനം തുടരുന്നതിനിടെ, ചിത്രത്തിനെതിരെ സോഷ്യൽ മീഡിയയിൽ വ്യാജ നെഗറ്റീവ് പ്രചാരണം നടക്കുന്നതായി ആരോപണം. സിനിമ കാണാത്ത ചില അക്കൗണ്ടുകളിൽ നിന്നുപോലും നെഗറ്റീവ് കമന്റുകളും പോസ്റ്റുകളും പ്രത്യക്ഷപ്പെടുന്നതായാണ് ആരോപണം ഉയരുന്നത്. വിഷയത്തിൽ ചിത്രത്തിന്റെ അണിയറപ്രവർത്തകർ ഇതുവരെ ഔദ്യോഗികമായി പ്രതികരിച്ചിട്ടില്ല.
ഓഗസ്റ്റ് 20ന് ആഗോള റിലീസായി എത്തിയ ‘ഖലീഫ’ ബോക്സ് ഓഫീസിലും മികച്ച തുടക്കമാണ് സ്വന്തമാക്കിയത്. ആദ്യ ദിനം 14.5 കോടി രൂപയുടെ ആഗോള ഗ്രോസ് കളക്ഷൻ ചിത്രം നേടിയെന്നാണ് അണിയറപ്രവർത്തകർ പുറത്തുവിട്ട കണക്ക്. കുടുംബ പ്രേക്ഷകരുടെയും യുവാക്കളുടെയും പിന്തുണയോടെ ചിത്രം തിയറ്ററുകളിൽ പ്രദർശനം തുടരുകയാണ്.
റിലീസ് ദിവസം തന്നെ ചിത്രത്തിന്റെ രണ്ടാം ഭാഗമായ ‘ഖലീഫ ദി ലെഗസി’ അണിയറപ്രവർത്തകർ പ്രഖ്യാപിച്ചിരുന്നു. രണ്ടാം ഭാഗത്തിന്റെ കഥ എങ്ങനെയായിരിക്കും, ഏതൊക്കെ കഥാപാത്രങ്ങൾ തിരിച്ചെത്തും തുടങ്ങിയ ചർച്ചകളും ഇതോടെ സോഷ്യൽ മീഡിയയിൽ സജീവമായി.
പൃഥ്വിരാജിന്റെ മാസ് അവതരണം, സ്റ്റൈലിഷ് ആക്ഷൻ രംഗങ്ങൾ, പഞ്ച് ഡയലോഗുകൾ എന്നിവയ്ക്കൊപ്പം ജേക്സ് ബിജോയിയുടെ സംഗീതവും പശ്ചാത്തല സംഗീതവും ചിത്രത്തിന്റെ പ്രധാന ആകർഷണങ്ങളായി മാറുന്നു. വൈശാഖിന്റെ ട്രേഡ്മാർക്ക് മാസ് എന്റർടെയ്നർ ശൈലിയിൽ ആക്ഷനും കുടുംബബന്ധങ്ങളുടെ വൈകാരികതയും ചേർത്താണ് ചിത്രം അവതരിപ്പിച്ചിരിക്കുന്നത്.
പൃഥ്വിരാജിന്റെ വ്യത്യസ്തമായ ലുക്കിനൊപ്പം മോഹൻലാൽ, സൗബിൻ ഷാഹിർ, ടൊവിനോ തോമസ് എന്നിവരുടെ അതിഥി വേഷങ്ങളും തിയറ്ററുകളിൽ വലിയ ആവേശമാണ് സൃഷ്ടിക്കുന്നത്. സർപ്രൈസ് കഥാപാത്രങ്ങളും കഥയിലെ അപ്രതീക്ഷിത മുഹൂർത്തങ്ങളും സിനിമയുടെ തിയറ്റർ അനുഭവത്തിന് കൂടുതൽ ആവേശം നൽകുന്നു.
ആക്ഷൻ സിനിമകളെ ഇഷ്ടപ്പെടുന്ന യുവാക്കളെയും കുടുംബ പ്രേക്ഷകരെയും ഒരുപോലെ ലക്ഷ്യമിട്ടുള്ള ഫെസ്റ്റിവൽ എന്റർടെയ്നറായാണ് ‘ഖലീഫ’ ഒരുക്കിയിരിക്കുന്നത്. പൃഥ്വിരാജിന്റെ ആക്ഷൻ അവതരണവും വൈശാഖിന്റെ മാസ് മേക്കിങ്ങും ചേരുമ്പോൾ, ജോമോൻ ടി. ജോണിന്റെ ഛായാഗ്രഹണവും ചമൻ ചാക്കോയുടെ എഡിറ്റിങ്ങും ചിത്രത്തിന്റെ ദൃശ്യഭംഗിക്കും വേഗതയ്ക്കും കരുത്തേകുന്നു.
ജിനു ഇന്നോവേഷൻസിന്റെ ബാനറിൽ നിർമ്മിച്ച ചിത്രത്തിന്റെ തിരക്കഥയും നിർമ്മാണവും ജിനു എബ്രഹാമാണ് നിർവഹിച്ചിരിക്കുന്നത്. സൂരജ് കുമാർ, ശ്രീലാൽ സൂരപാണി, സിജോ സെബാസ്റ്റ്യൻ എന്നിവരാണ് സഹനിർമ്മാതാക്കൾ. മാളവിക ശർമ്മ, നീൽ നിതിൻ മുകേഷ്, രഞ്ജി പണിക്കർ, സഞ്ജു ശിവറാം, ശിവജിത്, ഇന്ദ്രൻസ്, ഷമ്മി തിലകൻ, ഷൈൻ വർഗീസ്, ആനന്ദ് മന്മഥൻ, ഡോൺ മൈക്കിൾ, മോഹിനി, കൈറാ, മാസ്റ്റർ നഫാഷ് തുടങ്ങിയവരും ചിത്രത്തിന്റെ താരനിരയിലുണ്ട്.
🔥 #Khalifa continues its strong theatrical run!
The #PrithvirajSukumaran–#Vyshakh film opened with a reported ₹14.5 crore worldwide gross, while allegations of a fake negative campaign against the film have surfaced on social media.#KhalifaMovie #Cinema #KhalifaTheLegacy pic.twitter.com/C1OYf9rCau
— CinemaCafe™ Media (@cinemacafemedia) August 25, 2026
അണിയറ പ്രവർത്തകർ: ഛായാഗ്രഹണം – ജോമോൻ ടി. ജോൺ, സംഗീതം – ജേക്സ് ബിജോയ്, എഡിറ്റിംഗ് – ചമൻ ചാക്കോ, പ്രൊഡക്ഷൻ ഡിസൈൻ – മോഹൻദാസ്, ആക്ഷൻ – യാനിക്ക് ബെൻ, ഫീനിക്സ് പ്രഭു, ചേതൻ ഡിസൂസ, കോ-ഡയറക്ടർ – സുരേഷ് ദിവാകർ, എക്സിക്യൂട്ടീവ് പ്രൊഡ്യൂസർ – ഷൈൻ വർഗീസ്, കോസ്റ്റ്യൂംസ് – മഷർ ഹംസ, കലാസംവിധാനം – വിശ്വനാഥ് അരവിന്ദ്, മേക്കപ്പ് – അമൽ ചന്ദ്രൻ, സൗണ്ട് ഡിസൈൻ – സിങ്ക് സിനിമ, അഡീഷണൽ മ്യൂസിക് – ജാബിർ സുലൈം, ഫൈനൽ മിക്സ് – എം.ആർ. രാജാകൃഷ്ണൻ, പ്രൊഡക്ഷൻ കൺട്രോളർമാർ – റെനി ദിവാകർ, വിനോഷ് കൈമൾ, കളറിസ്റ്റ് – ശ്രീക്ക് വാര്യർ, പോസ്റ്റർ ഡിസൈൻ – എയ്സ്തെറ്റിക്ക് കുഞ്ഞമ്മ, ഡി.ഐ – കളർ പ്ലാനറ്റ്, VFX – പ്രശാന്ത് നായർ (3DS), പ്രമോഷൻസ് ആൻഡ് മാർക്കറ്റിങ് – വിപിൻ കുമാർ പൊഫാറ്റിയോ, സ്റ്റിൽസ് – സിനത് സേവ്യർ.
Prithviraj’s Khalifa Gets Strong Response; Allegations of Fake Negative Campaign Surface Online
Prithviraj Sukumaran and Vyshakh’s Khalifa continues its theatrical run amid allegations of a fake negative social media campaign. The film opened with ₹14.5 crore worldwide gross.
About Author
