ദുൽഖർ സൽമാനെ നായകനാക്കി നഹാസ് ഹിദായത്ത് സംവിധാനം ചെയ്ത ബിഗ് ബജറ്റ് ഫാന്റസി ആക്ഷൻ ത്രില്ലർ ‘ഐ ആം ഗെയിം’ തിയറ്ററുകളിൽ വിജയകരമായി പ്രദർശനം തുടരുന്നതിനിടെ ചിത്രത്തിന്റെ സക്സസ് ട്രെയ്‌ലർ പുറത്തിറക്കി അണിയറപ്രവർത്തകർ. റിലീസ് ദിനം മുതൽ കേരളത്തിലും മറ്റ് വിപണികളിലും മികച്ച പ്രേക്ഷക പ്രതികരണം നേടുന്ന ചിത്രം ആഗോള ബോക്സ് ഓഫീസിലും മികച്ച കളക്ഷൻ സ്വന്തമാക്കുന്നതായാണ് റിപ്പോർട്ടുകൾ.
വേഫെറർ ഫിലിംസിന്റെ ബാനറിൽ ദുൽഖർ സൽമാനും ജോം വർഗീസും ചേർന്നാണ് ചിത്രം നിർമ്മിച്ചിരിക്കുന്നത്. സജീർ ബാബ, ഇസ്മായിൽ അബൂബക്കർ, ബിലാൽ മൊയ്‌ദു എന്നിവർ ചേർന്നാണ് തിരക്കഥ ഒരുക്കിയത്. സജീർ ബാബ, ആദർശ് സുകുമാരൻ, ഷബാസ് റഷീദ് എന്നിവരാണ് സംഭാഷണങ്ങൾ രചിച്ചിരിക്കുന്നത്.
സെപ്റ്റംബർ 3ന് കേരളത്തിൽ ആദ്യ പ്രദർശനം ആരംഭിച്ചതിന് പിന്നാലെ ചിത്രത്തിന് മികച്ച പ്രതികരണമാണ് ലഭിച്ചതെന്ന് അണിയറപ്രവർത്തകർ വ്യക്തമാക്കുന്നു. സിനിമയിലെ പ്രധാന മാസ്, ആക്ഷൻ, ഫാന്റസി മുഹൂർത്തങ്ങൾ ഉൾപ്പെടുത്തിയാണ് ഇപ്പോൾ സക്സസ് ട്രെയ്‌ലർ പ്രേക്ഷകരിലേക്ക് എത്തിച്ചിരിക്കുന്നത്.
‘ഡാൻ’ എന്ന കഥാപാത്രമായാണ് ദുൽഖർ സൽമാൻ ചിത്രത്തിലെത്തുന്നത്. സ്റ്റൈലിഷ് അവതരണത്തിനൊപ്പം ആക്ഷൻ, പ്രണയം, വൈകാരിക രംഗങ്ങൾ എന്നിവയ്ക്കും പ്രാധാന്യമുള്ള കഥാപാത്രമാണിത്. ദുൽഖറിന്റെ പ്രകടനവും മാസ് രംഗങ്ങളിലെ അവതരണവും ചിത്രത്തിന്റെ പ്രധാന ആകർഷണങ്ങളിലൊന്നായാണ് പ്രേക്ഷക പ്രതികരണങ്ങളിൽ വിലയിരുത്തപ്പെടുന്നത്.
ഫാന്റസി, ആക്ഷൻ, ത്രില്ലർ ഘടകങ്ങൾ ഒരുമിപ്പിച്ചാണ് നഹാസ് ഹിദായത്ത് സിനിമ ഒരുക്കിയിരിക്കുന്നത്. യുവാക്കളെയും കുടുംബ പ്രേക്ഷകരെയും ലക്ഷ്യമിടുന്ന വലിയ തിയറ്റർ അനുഭവമായാണ് ചിത്രം അവതരിപ്പിച്ചിരിക്കുന്നത്. തുടക്കം മുതൽ ക്ലൈമാക്സ് വരെ ആക്ഷനും സസ്പെൻസും ഫാന്റസി ഘടകങ്ങളും കോർത്തിണക്കിയ കഥപറച്ചിലാണ് സിനിമ പിന്തുടരുന്നത്.
ചിത്രത്തിന്റെ സാങ്കേതിക വിഭാഗത്തിനും പ്രേക്ഷകരിൽ നിന്ന് മികച്ച പ്രതികരണമാണ് ലഭിക്കുന്നതെന്ന് അണിയറപ്രവർത്തകർ പറയുന്നു. ജേക്സ് ബിജോയിയുടെ ഗാനങ്ങളും പശ്ചാത്തല സംഗീതവും, ജിംഷി ഖാലിദിന്റെ ഛായാഗ്രഹണവും, അൻപറിവ് മാസ്റ്റേഴ്സ് ഒരുക്കിയ സംഘട്ടന രംഗങ്ങളും സിനിമയുടെ തിയറ്റർ അനുഭവത്തിന് കരുത്തേകുന്നു. നഹാസ് ഹിദായത്തിന്റെ മേക്കിങ്ങും ചിത്രത്തിന്റെ പ്രധാന ഹൈലൈറ്റുകളിലൊന്നാണ്.
ദുൽഖർ സൽമാനൊപ്പം ആന്റണി വർഗീസ്, മിഷ്കിൻ, കതിർ, കായദു ലോഹർ, പാർത്ഥ് തിവാരി, സംയുക്ത വിശ്വനാഥൻ, വിനയ് ഫോർട്ട് തുടങ്ങിയവരും നിർണായക കഥാപാത്രങ്ങളെ അവതരിപ്പിക്കുന്നു. വിക്കി എന്ന കഥാപാത്രമായി എത്തുന്ന ആന്റണി വർഗീസിന്റെ പ്രകടനവും റിലീസിന് പിന്നാലെ ശ്രദ്ധ നേടിയിരുന്നു.
ബുക്ക് മൈ ഷോ ട്രെൻഡിങ്ങിലും ചിത്രം മികച്ച മുന്നേറ്റം തുടരുന്നതായാണ് അണിയറപ്രവർത്തകർ അറിയിക്കുന്നത്. ബോക്സ് ഓഫീസ് പ്രകടനം തുടരുന്ന സാഹചര്യത്തിൽ ദുൽഖർ സൽമാന്റെ കരിയറിലെ ശ്രദ്ധേയ വിജയങ്ങളിലൊന്നായി ‘ഐ ആം ഗെയിം’ മാറുമെന്ന പ്രതീക്ഷയിലാണ് അണിയറപ്രവർത്തകർ.
ദുൽഖർ സൽമാന്റെ 40-ാമത്തെ ചിത്രം കൂടിയായ ‘ഐ ആം ഗെയിം’ മലയാളം, തമിഴ്, തെലുങ്ക്, ഹിന്ദി, കന്നഡ ഭാഷകളിലായി പാൻ ഇന്ത്യൻ റിലീസായാണ് തിയറ്ററുകളിലെത്തിയത്.
🔥 #ImGame Success Trailer is OUT NOW!
Dulquer Salmaan’s fantasy action thriller continues its theatrical run with strong audience response. Directed by Nahas Hidhayath and produced by Wayfarer Films.#DulquerSalmaan #ImGameMovie #NahasHidhayath pic.twitter.com/zPt0zxU0aT
— CinemaCafe™ Media (@cinemacafemedia) September 7, 2026
അണിയറ പ്രവർത്തകർ: സംവിധാനം – നഹാസ് ഹിദായത്ത്; നിർമ്മാണം – ദുൽഖർ സൽമാൻ, ജോം വർഗീസ്; തിരക്കഥ – സജീർ ബാബ, ഇസ്മായിൽ അബൂബക്കർ, ബിലാൽ മൊയ്‌ദു; സംഭാഷണം – സജീർ ബാബ, ആദർശ് സുകുമാരൻ, ഷബാസ് റഷീദ്; ലൈൻ പ്രൊഡ്യൂസർ – ബിബിൻ പെരുമ്പിള്ളി; ഛായാഗ്രഹണം – ജിംഷി ഖാലിദ്; സംഗീതം – ജേക്സ് ബിജോയ്; എഡിറ്റിംഗ് – ചമൻ ചാക്കോ; ആക്ഷൻ – അൻപറിവ് മാസ്റ്റേഴ്സ്; പ്രൊഡക്ഷൻ ഹെഡ് – സുജയ് ജെയിംസ്, ദേവദേവൻ; പ്രൊഡക്ഷൻ ഡിസൈനർ – അജയൻ ചാലിശ്ശേരി; മേക്കപ്പ് – റോണക്സ് സേവ്യർ; കോസ്റ്റ്യൂം – മഷർ ഹംസ; പ്രൊഡക്ഷൻ കൺട്രോളർ – ദീപക് പരമേശ്വരൻ; അസോസിയേറ്റ് ഡയറക്ടർ – രോഹിത് ചന്ദ്രശേഖർ; ഗാനരചന – മനു മഞ്ജിത്ത്, വിനായക് ശശികുമാർ; VFX – തൗഫീഖ്, എഗ്‌വൈറ്റ്; പോസ്റ്റർ ഡിസൈൻ – ടെൻ പോയിന്റ്; സൗണ്ട് ഡിസൈൻ – സിങ്ക് സിനിമ; സൗണ്ട് മിക്സ് – കണ്ണൻ ഗണപത്; സ്റ്റിൽസ് – എസ്.ബി.കെ; മാർക്കറ്റിംഗ് ഹെഡ് – വിജിത് വിശ്വനാഥൻ; പി.ആർ.ഒ – ശബരി.
I’m Game Success Trailer Out: Dulquer Salmaan’s Fantasy Action Thriller Continues Strong Run
The success trailer of Dulquer Salmaan’s I’m Game is out now. Directed by Nahas Hidhayath, the fantasy action thriller continues its theatrical run with strong audience response.
About Author
