യുവത്വത്തിന്റെ ആഘോഷവുമായി എത്തിയ ‘ഡർബി’ കേരളക്കര ഏറ്റെടുത്തു കഴിഞ്ഞു. മലബാറിലെ ക്യാമ്പസ് പശ്ചാത്തലത്തിൽ സൗഹൃദത്തിന്റെയും പ്രണയത്തിന്റെയും കഥ പറയുന്ന ചിത്രം ഒരു ‘കംപ്ലീറ്റ് എന്റർടൈനർ’ എന്നാണ് പ്രേക്ഷകർ വിശേഷിപ്പിക്കുന്നത്. ആദ്യ മൂന്ന് ദിവസങ്ങളിൽ കേരളത്തിലെ ഒട്ടുമിക്ക തിയേറ്ററുകളിലും ചിത്രം ഹൗസ്‌ഫുൾ ഷോകളുമായാണ് പ്രദർശനം തുടരുന്നത്. പ്രേക്ഷകരുടെ വൻ തിരക്ക് പരിഗണിച്ച് പലയിടങ്ങളിലും ലേറ്റ് നൈറ്റ് ഷോകൾ അധികമായി ചാർട്ട് ചെയ്തിട്ടുണ്ട്.
യുവതാരങ്ങളുടെ ഗംഭീര പ്രകടനം
സോഷ്യൽ മീഡിയയിലൂടെ പ്രേക്ഷകർക്ക് പരിചിതരായ ഒരു വലിയ യുവതാരനിരയാണ് ചിത്രത്തിന്റെ പ്രധാന ആകർഷണം. സാഗർ സൂര്യ, ആദം സാബിക്ക്, അമീൻ തുടങ്ങിയവർക്കൊപ്പം ഷൈൻ ടോം ചാക്കോയും ഒരു പ്രധാന വേഷത്തിൽ എത്തുന്നുണ്ട്. ഓരോ കഥാപാത്രവും ഇന്നത്തെ കാലഘട്ടത്തിലെ യുവത്വത്തെ പ്രതിനിധീകരിക്കുന്ന രീതിയിലാണ് സജിൽ മമ്പാട്ട് ഒരുക്കിയിരിക്കുന്നത്.
Theatres across Kerala are witnessing Derby fever 🔥
Packed shows, late-night screenings & massive youth response!
The ultimate youth entertainer is heading towards superhit status.#Derby #MalayalamMovie #HousefullShows #YouthEntertainer #KeralaMovies #MalayalamCinema #Movie pic.twitter.com/n13BC5MvSY— CinemaCafe™ Media (@cinemacafemedia) March 30, 2026
അണിയറയിലെ കരുത്ത്
ചിത്രത്തിലെ ഗാനങ്ങളും പശ്ചാത്തല സംഗീതവും നിർവ്വഹിച്ചിരിക്കുന്നത് പ്രശസ്ത സംഗീത സംവിധായകൻ ഗോപി സുന്ദറാണ്. ദൃശ്യഭംഗി കൊണ്ട് ശ്രദ്ധേയമായ ചിത്രത്തിന്റെ ഛായാഗ്രഹണം നിർവ്വഹിച്ചത് തെന്നിന്ത്യൻ സിനിമകളിലെ പ്രമുഖനായ അഭിനന്ദൻ രാമാനുജമാണ്. ഡിമാൻസ് ഫിലിം ഫാക്ടറിയുടെ ബാനറിൽ മൻസൂർ അബ്ദുൽ റസാഖാണ് ചിത്രം നിർമ്മിച്ചിരിക്കുന്നത്.
വിതരണവും റിലീസും
സ്ട്രൈറ്റ് ലൈൻ സിനിമാസ് കേരളത്തിലും, ഫാർസ് ഫിലിംസ് ജിസിസി രാജ്യങ്ങളിലും ചിത്രം വിതരണത്തിനെത്തിക്കുന്നു. മില്ലെനിയം ഓഡിയോസാണ് ചിത്രത്തിന്റെ മ്യൂസിക് റൈറ്റ്സ് സ്വന്തമാക്കിയിരിക്കുന്നത്.
കുടുംബപ്രേക്ഷകർക്കും യുവാക്കൾക്കും ഒരുപോലെ ആസ്വദിക്കാവുന്ന ‘ഡർബി’ വരും ദിവസങ്ങളിൽ കൂടുതൽ കളക്ഷൻ റെക്കോർഡുകൾ ഭേദിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്.
❤️PRO: പ്രതീഷ് ശേഖർ
Derby Malayalam Movie Housefull Shows | Youth Entertainer Turns Superhit in Kerala
Malayalam youth entertainer Derby receives packed shows across Kerala. The film starring Sagar Surya and Shine Tom Chacko is getting excellent response with housefull shows and additional screenings.
About Author
