ബിജു മേനോനെ നായകനാക്കി നവാഗതനായ തമ്പി സംവിധാനം ചെയ്യുന്ന ഫാമിലി എന്റർടെയ്നർ ‘അവറാച്ചൻ ആൻഡ് സൺസ്’ ട്രെയ്ലർ പുറത്തിറങ്ങി. നർമവും കുടുംബബന്ധങ്ങളും രസകരമായ സംഭവങ്ങളും കോർത്തിണക്കിയ ചിത്രത്തിന്റെ ട്രെയ്ലർ, സകുടുംബം ആസ്വദിക്കാവുന്ന ഒരു ഫാമിലി ഡ്രാമയാണ് പ്രേക്ഷകരെ കാത്തിരിക്കുന്നതെന്ന സൂചന നൽകുന്നു. ചിത്രം ഒക്ടോബർ 2 മുതൽ തിയറ്ററുകളിലെത്തും.
മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫൻ അവതരിപ്പിക്കുന്ന ചിത്രത്തിൽ അവറാച്ചനായാണ് ബിജു മേനോൻ എത്തുന്നത്. അച്ഛനും മക്കളും തമ്മിലുള്ള ബന്ധവും അവരുടെ ജീവിതത്തിലുണ്ടാകുന്ന രസകരമായ സംഭവങ്ങളുമാണ് ട്രെയ്ലറിന്റെ പ്രധാന ആകർഷണം.
നേരത്തെ പുറത്തിറങ്ങിയ ചിത്രത്തിന്റെ ടീസറിനും ഗാനങ്ങൾക്കും സോഷ്യൽ മീഡിയയിൽ ശ്രദ്ധ ലഭിച്ചിരുന്നു. ഇപ്പോൾ പുറത്തുവന്ന ട്രെയ്ലറിൽ ബിജു മേനോനൊപ്പം യുവതാരങ്ങളുടെ വലിയ നിരയും എത്തുന്നു. കോമഡിക്കൊപ്പം കുടുംബബന്ധങ്ങളിലെ വൈകാരിക നിമിഷങ്ങൾക്കും ചിത്രം പ്രാധാന്യം നൽകുന്നുണ്ടെന്ന സൂചനയും ട്രെയ്ലർ നൽകുന്നു.
ശ്രീനാഥ് ഭാസി, ഗണപതി, വിനയ് ഫോർട്ട് എന്നിവരുടെ കഥാപാത്രങ്ങളും ട്രെയ്ലറിൽ ശ്രദ്ധ നേടുന്നു. ഇവർക്കൊപ്പം ജോണി ആന്റണി, ഗ്രേസ് ആന്റണി, അഖില ഭാർഗവൻ, പൗളി വത്സൺ, സാബുമോൻ, കോട്ടയം നസീർ, വിനീത് തട്ടിൽ, സാജൻ പള്ളുരുത്തി, ആഷിഖ് ഖാലിദ്, സുധി കോപ്പ, സജിൻ ചെറുകയിൽ, ഷാജു ശ്രീധർ, നിഷ സാരംഗ് എന്നിവരും പ്രധാന വേഷങ്ങളിലെത്തുന്നു.
സംവിധായകൻ തമ്പിയും ജോസഫ് വിജീഷും ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. കുടുംബപ്രേക്ഷകരെ ലക്ഷ്യമിട്ട് നർമ മുഹൂർത്തങ്ങൾക്ക് പ്രാധാന്യം നൽകുന്ന കംപ്ലീറ്റ് ഫാമിലി എന്റർടെയ്നറായാണ് അണിയറപ്രവർത്തകർ ‘അവറാച്ചൻ ആൻഡ് സൺസ്’ അവതരിപ്പിക്കുന്നത്.
സജിത് പുരുഷൻ ഛായാഗ്രഹണം നിർവഹിക്കുന്ന ചിത്രത്തിന്റെ എഡിറ്റിങ് ആകാശ് ജോസഫ് വർഗീസ് ആണ്. സനൽ ദേവ് സംഗീത സംവിധാനം നിർവഹിക്കുന്നു. ജസ്റ്റിൻ സ്റ്റീഫനാണ് സഹനിർമ്മാതാവ്. സന്തോഷ് കൃഷ്ണൻ, നവീൻ പി. തോമസ് എന്നിവർ എക്സിക്യൂട്ടീവ് പ്രൊഡ്യൂസർമാരാണ്.
ഒക്ടോബർ 2ന് തിയറ്ററുകളിലെത്തുന്ന ‘അവറാച്ചൻ ആൻഡ് സൺസ്’ ബിജു മേനോന്റെ കുടുംബചിത്രങ്ങളിലെ നർമവും വലിയൊരു താരനിരയും ഒരുമിപ്പിച്ചാണ് പ്രേക്ഷകർക്ക് മുന്നിലെത്തുന്നത്.
😂 “This father and sons are going to rock!”
The trailer of Biju Menon’s #AvarachanAndSons is OUT NOW, promising a fun-filled family entertainer packed with humour and emotions.
🎬 In theatres October 2#BijuMenon #SreenathBhasi #VinayForrt pic.twitter.com/aBWsiUrkDx
— CinemaCafe™ Media (@cinemacafemedia) September 22, 2026
അണിയറ പ്രവർത്തകർ: സംവിധാനം – തമ്പി; അവതരണം – ലിസ്റ്റിൻ സ്റ്റീഫൻ; തിരക്കഥ – ജോസഫ് വിജീഷ്, തമ്പി; സഹനിർമ്മാണം – ജസ്റ്റിൻ സ്റ്റീഫൻ; എക്സിക്യൂട്ടീവ് പ്രൊഡ്യൂസേഴ്സ് – സന്തോഷ് കൃഷ്ണൻ, നവീൻ പി. തോമസ്; ഛായാഗ്രഹണം – സജിത് പുരുഷൻ; എഡിറ്റിങ് – ആകാശ് ജോസഫ് വർഗീസ്; സംഗീതം – സനൽ ദേവ്; ലൈൻ പ്രൊഡ്യൂസർ – അഖിൽ യശോധരൻ; ആർട്ട് – അജി കുറ്റിയാനി; വസ്ത്രാലങ്കാരം – സ്റ്റെഫി സേവ്യർ; മേക്കപ്പ് – റഷീദ് അഹമ്മദ്; സൗണ്ട് ഡിസൈൻ – ശങ്കരൻ എ.എസ്., കെ.സി. സിദ്ധാർത്ഥൻ; സൗണ്ട് മിക്സിങ് – വിഷ്ണു സുജാതൻ; പ്രൊഡക്ഷൻ കൺട്രോളർ – ഡിക്സൺ പൊടുത്താസ്; ചീഫ് അസോസിയേറ്റ് ഡയറക്ടർ – ജിബിൻ ജോൺ; ഫസ്റ്റ് അസോസിയേറ്റ് ഡയറക്ടർ – ഓസ്റ്റിൻ എബ്രഹാം; അഡ്മിനിസ്ട്രേഷൻ ആൻഡ് ഡിസ്ട്രിബ്യൂഷൻ ഹെഡ് – ബബിൻ ബാബു; സ്റ്റിൽസ് – ബിജിത് ധർമടം; മാർക്കറ്റിംഗ് – സൗത്ത് ഫ്രെയിംസ് എന്റർടൈൻമെന്റ്; ഡിജിറ്റൽ മാർക്കറ്റിംഗ് – ഒബ്സ്ക്യൂറ എന്റർടൈൻമെന്റ്; അഡ്വർടൈസിങ് – ബ്രിങ് ഫോർത്ത്; VFX – പ്രോമൈസ് സ്റ്റുഡിയോസ്; പബ്ലിസിറ്റി ഡിസൈൻ – ടെൻ പോയിന്റ്; ❤️ പി.ആർ.ഒ – പ്രതീഷ് ശേഖർ.
Avarachan & Sons Trailer Out: Biju Menon’s Family Entertainer Releases October 2
The trailer of Biju Menon’s Avarachan & Sons is out now. Directed by debutant Thambi, the family entertainer starring Sreenath Bhasi, Ganapathi and Vinay Forrt releases on October 2, 2026.
About Author
