ചിത്രീകരണം പൂർത്തിയാക്കി സായ് ദുർഗ തേജിന്റെ ‘സാംബരാല യേതിഗട്ട്’; 150 കോടി ബജറ്റിലെ ആക്ഷൻ വിസ്മയം 2027 ജനുവരി 12ന്

‘വിരൂപാക്ഷ’, ‘ബ്രോ’ എന്നീ ചിത്രങ്ങൾക്ക് ശേഷം സായ് ദുർഗ തേജ് നായകനായെത്തുന്ന ‘സാംബരാല യേതിഗട്ട്’ ഏകദേശം 150 കോടി രൂപ ബജറ്റിലാണ് ഒരുക്കുന്നത്. പ്രൈംഷോ എന്റർടെയ്ൻമെന്റിന്റെ ബാനറിൽ കെ. നിരഞ്ജൻ റെഡ്ഡിയും ചൈതന്യ റെഡ്ഡിയും ചേർന്നാണ് നിർമ്മാണം. പാൻ ഇന്ത്യൻ ബ്ലോക്ക്ബസ്റ്റർ ‘ഹനുമാൻ’ന് ശേഷം പ്രൈംഷോ എന്റർടെയ്ൻമെന്റ് നിർമ്മിക്കുന്ന വമ്പൻ ചിത്രം കൂടിയാണിത്.

റിലീസ് തീയതി പ്രഖ്യാപിച്ചുകൊണ്ട് ചിത്രത്തിന്റെ പുതിയ പോസ്റ്ററും അണിയറ പ്രവർത്തകർ പുറത്തുവിട്ടിട്ടുണ്ട്. തീർത്തും മാസ് അവതാരത്തിലാണ് സായ് ദുർഗ തേജിനെ പോസ്റ്ററിൽ അവതരിപ്പിച്ചിരിക്കുന്നത്. ചിത്രത്തിന്റെ സ്കെയിലിനെയും ആക്ഷൻ സ്വഭാവത്തെയും അടിവരയിടുന്നതാണ് പുതിയ പോസ്റ്റർ.

ചിത്രത്തിന്റെ വമ്പൻ ഫൈനൽ ഷെഡ്യൂൾ ജൂണിൽ ഹൈദരാബാദിലായിരുന്നു നടന്നത്. ഏകദേശം 20 കോടി രൂപ ചെലവഴിച്ചാണ് ബ്രഹ്മാണ്ഡ ക്ലൈമാക്സ് ചിത്രീകരിച്ചതെന്നാണ് റിപ്പോർട്ട്. പ്രശസ്ത സ്റ്റണ്ട് ഡയറക്ടർ കെവിൻ മാസ്റ്ററുടെ നേതൃത്വത്തിൽ 18 വലിയ ആക്ഷൻ ബ്ലോക്കുകൾ ഉൾപ്പെടുത്തി 35 ദിവസം നീണ്ടുനിന്ന ഷെഡ്യൂളിലാണ് ക്ലൈമാക്സ് രംഗങ്ങൾ പൂർത്തിയാക്കിയത്.

വമ്പൻ പീരിയഡ് ആക്ഷൻ ഡ്രാമയായി ഒരുക്കുന്ന ചിത്രത്തിലൂടെ ദൃശ്യപരമായി ഗംഭീരമായൊരു സിനിമാനുഭവമാണ് സംവിധായകൻ രോഹിത് കെ.പി. ലക്ഷ്യമിടുന്നത്. കഥാപാത്രത്തിനായി സായ് ദുർഗ തേജ് വലിയ ശാരീരിക പരിവർത്തനവും നടത്തിയിട്ടുണ്ട്. താരത്തിന്റെ കരിയറിലെ തന്നെ ഏറ്റവും കൂടുതൽ ശാരീരിക അധ്വാനം ആവശ്യപ്പെട്ട കഥാപാത്രങ്ങളിലൊന്നായിരിക്കും ഇതെന്നാണ് റിപ്പോർട്ടുകൾ.

സായ് ദുർഗ തേജിന്റെ ജന്മദിനത്തോടനുബന്ധിച്ച് നേരത്തെ പുറത്തിറക്കിയ ‘അസുര ആഗമന’ ഗ്ലിംപ്സ് വീഡിയോയും വലിയ ശ്രദ്ധ നേടിയിരുന്നു. ചിത്രത്തിന്റെ പീരിയഡ് പശ്ചാത്തലവും നായകന്റെ മാസ് അവതാരവും വമ്പൻ ആക്ഷൻ രംഗങ്ങളുമാണ് ഗ്ലിംപ്സിന്റെ പ്രധാന ആകർഷണങ്ങളായത്.

🔥 #SambaralaYetigattu wraps filming! ⚔️#SaiDurghaTej’s ₹150 Cr pan-Indian period action spectacle has completed shooting and entered post-production.

🎬 Directed by #RohithKP
⭐ #AishwaryaLekshmi
🌍 Worldwide Release: January 12, 2027#SDT18 #PrimeShowEntertainment… pic.twitter.com/6xejEUj3Qe

— CinemaCafe™ Media (@cinemacafemedia) August 15, 2026

ഐശ്വര്യ ലക്ഷ്മിയാണ് ചിത്രത്തിലെ നായിക. ഒരു പ്രമുഖ ബോളിവുഡ് താരവും നിർണായക കഥാപാത്രത്തെ അവതരിപ്പിക്കുന്നുണ്ട്. ജഗപതി ബാബു, സായ് കുമാർ, ശ്രീകാന്ത്, അനന്യ നാഗല്ല, രവി കൃഷ്ണ തുടങ്ങിയവരും പ്രധാന വേഷങ്ങളിലെത്തുന്നു. ശക്തമായ പ്രകടനങ്ങളും വമ്പൻ ആക്ഷൻ രംഗങ്ങളും സാങ്കേതിക മികവും സമന്വയിപ്പിക്കുന്ന പാൻ ഇന്ത്യൻ ദൃശ്യവിസ്മയമായാണ് ചിത്രം ഒരുങ്ങുന്നത്.

തെലുങ്ക്, തമിഴ്, ഹിന്ദി, കന്നഡ, മലയാളം ഭാഷകളിലായി പാൻ ഇന്ത്യൻ റിലീസായാണ് ‘സാംബരാല യേതിഗട്ട്’ പ്രേക്ഷകരിലേക്ക് എത്തുക.

രചന, സംവിധാനം: രോഹിത് കെ.പി., നിർമ്മാതാക്കൾ: കെ. നിരഞ്ജൻ റെഡ്ഡി, ചൈതന്യ റെഡ്ഡി, ബാനർ: പ്രൈംഷോ എന്റർടെയ്ൻമെന്റ്, മാർക്കറ്റിംഗ്: ഹാഷ്ടാഗ് മീഡിയ, ❤️പിആർഒ: ശബരി.