ശ്രീ ഗോകുലം ഗോപാലൻ നിർമ്മിച്ച് സുരേഷ് ഗോപി നായകനാകുന്ന മാസ് ആക്ഷൻ ചിത്രം ‘ഒറ്റക്കൊമ്പൻ’ പുതിയ അപ്ഡേറ്റുമായി പ്രേക്ഷകർക്ക് മുന്നിലെത്തി. “Though I fall, I will rise again” (വീണു പോയാലും ഞാൻ വീണ്ടും ഉയർത്തെഴുന്നേൽക്കും) എന്ന ശക്തമായ കുറിപ്പോടെയാണ് ചിത്രത്തിന്റെ ഫസ്റ്റ് ലുക്ക് പോസ്റ്റർ റിലീസ് ചെയ്തിരിക്കുന്നത്. സുരേഷ് ഗോപിയുടെ കരിയറിലെ തന്നെ ഏറ്റവും വലിയ മാസ്സ് ചിത്രങ്ങളിൽ ഒന്നായിരിക്കും ഇതെന്ന സൂചനയാണ് പോസ്റ്റർ നൽകുന്നത്.
🔥 "Though I fall, I will rise again."
Suresh Gopi appears in a powerful mass avatar in Ottakomban first look.
Big budget action entertainer from Gokulam Movies.#Ottakomban #SureshGopi #MalayalamCinema #GokulamMovies #MassMovie #MovieUpdate 🎬 pic.twitter.com/hoo4kcQJLu— CinemaCafe™ Media (@cinemacafemedia) April 6, 2026
വമ്പൻ താരനിരയും സാങ്കേതിക തികവും
ഷിബിൻ ഫ്രാൻസിസ് രചന നിർവ്വഹിക്കുന്ന ഈ ചിത്രത്തിൽ തെന്നിന്ത്യൻ താരം അഭിനയയാണ് നായികയായി എത്തുന്നത്. കൂടാതെ ലാൽ, ചെമ്പൻ വിനോദ് ജോസ്, വിജയരാഘവൻ, ലാലു അലക്സ്, മേഘന രാജ്, ജോണി ആന്റണി തുടങ്ങി എഴുപതിൽപ്പരം പ്രമുഖ താരങ്ങളും നിരവധി പുതുമുഖങ്ങളും ചിത്രത്തിൽ അണിനിരക്കുന്നുണ്ട്.
ശ്രീ ഗോകുലം മൂവീസിന്റെ വമ്പൻ പ്രോജക്റ്റുകൾ
‘കത്തനാർ’ (ജയസൂര്യ), ‘കില്ലർ’ (എസ്.ജെ. സൂര്യ), മോഹൻലാലിന്റെ ‘L367’ തുടങ്ങിയ വമ്പൻ ചിത്രങ്ങൾക്കൊപ്പം ഗോകുലം മൂവീസ് ഈ വർഷം പുറത്തിറക്കുന്ന ഏറ്റവും പ്രധാനപ്പെട്ട പ്രോജക്റ്റുകളിൽ ഒന്നാണ് ഒറ്റക്കൊമ്പൻ.
അണിയറപ്രവർത്തകർ
-
സംവിധാനം: മാത്യൂസ് തോമസ്
-
നിർമ്മാണം: ശ്രീ ഗോകുലം ഗോപാലൻ
-
ഛായാഗ്രഹണം: ഷാജികുമാർ
-
സംഗീതം: ഹർഷവർദ്ധൻ രമേശ്വർ
-
എഡിറ്റിംഗ്: ഷഫീഖ് വി.ബി.
-
ആക്ഷൻ: കലയ് കിങ്സൺ, ഫീനിക്സ് പ്രഭു, സ്റ്റണ്ട് ശിവ, സിൽവ
-
കലാസംവിധാനം: ഗോകുൽ ദാസ്
മാസ്സ് ഡയലോഗുകളും ആക്ഷൻ രംഗങ്ങളും കോർത്തിണക്കി സുരേഷ് ഗോപി ആരാധകർ ആഗ്രഹിക്കുന്ന എല്ലാ ചേരുവകളും ഉൾപ്പെടുത്തിയാണ് ചിത്രം ഒരുക്കിയിരിക്കുന്നത്. ചിത്രം ഈ വർഷം തന്നെ തിയേറ്ററുകളിലെത്തും.
❤️PRO: വാഴൂർ ജോസ്, ശബരി
Ottakomban First Look Out | Suresh Gopi Mass Action Film | Gokulam Movies
Suresh Gopi starrer Ottakomban first look poster released. Produced by Gokulam Gopalan, the big budget mass action film is gearing up for release soon.
About Author
