തിയേറ്ററുകളിലും ഒ.ടി.ടി പ്ലാറ്റ്ഫോമുകളിലും മികച്ച വിജയം നേടി ഭാഷാതീതമായി പ്രേക്ഷക പ്രശംസ സ്വന്തമാക്കിയ എക്കോ എന്ന ചിത്രത്തിന് ശേഷം ആരാധ്യാ സ്റ്റുഡിയോസ് നിർമ്മിക്കുന്ന പുതിയ ചിത്രത്തിന്റെ ടൈറ്റിൽ പോസ്റ്റർ പുറത്തിറങ്ങി. “പൂച്ച സാർ” എന്ന വ്യത്യസ്തമായ പേരുമായി എത്തുന്ന ചിത്രം, ടൈറ്റിൽ പ്രഖ്യാപന ഘട്ടം മുതൽ തന്നെ സിനിമാപ്രേമികളുടെ ശ്രദ്ധ നേടുകയാണ്.
ആരാധ്യാ സ്റ്റുഡിയോസിന്റെ ബാനറിൽ എം.ആർ.കെ ജയറാം നിർമ്മിക്കുന്ന ചിത്രമാണിത്. വ്യത്യസ്തമായ കഥാപരിസരവും കൗതുകം ജനിപ്പിക്കുന്ന ടൈറ്റിലും കാരണം സിനിമ ഇതിനോടകം സോഷ്യൽ മീഡിയയിൽ ചർച്ചയായിട്ടുണ്ട്. ടൈറ്റിൽ പോസ്റ്ററിന്റെ അവതരണ ശൈലിയും ഡിസൈനും സിനിമയുടെ സ്വഭാവത്തെക്കുറിച്ച് പ്രേക്ഷകരിൽ വലിയ ആകാംക്ഷ സൃഷ്ടിക്കുന്നുണ്ട്.
സംവിധായകനായി അരങ്ങേറ്റം കുറിച്ച് റെജിവാൻ അബ്ദുൽ ബഷീർ
വാഴ 2 ഉൾപ്പെടെ നിരവധി ചിത്രങ്ങളിൽ ചീഫ് അസോസിയേറ്റ് ഡയറക്ടറായി പ്രവർത്തിച്ച റെജിവാൻ അബ്ദുൽ ബഷീറാണ് “പൂച്ച സാർ” എന്ന ചിത്രത്തിലൂടെ ആദ്യമായി സംവിധായകന്റെ കസേരയിൽ എത്തുന്നത്. സിനിമാ മേഖലയിലെ ദീർഘകാല അനുഭവവും സാങ്കേതിക അറിവും പുതിയ സിനിമയ്ക്ക് വലിയ കരുത്താകുമെന്നാണ് വിലയിരുത്തപ്പെടുന്നത്.
🐱🎬 The title poster of Poocha Saar has been unveiled!
Produced by Aaradhya Studios after the success of Echo, the film marks the directorial debut of Regivan Abdul Basheer and is written by Arun D. Jose. Starring Jomon Jyothir and Alan Bin Siraj, the unique title and… pic.twitter.com/Lg50GCWaOG
— CinemaCafe™ Media (@cinemacafemedia) June 10, 2026
ചിത്രത്തിന്റെ രചന നിർവഹിക്കുന്നത് യുവതലമുറയിലെ ശ്രദ്ധേയ സംവിധായകനും തിരക്കഥാകൃത്തുമായ അരുൺ ഡി ജോസാണ്. ജോ ആൻഡ് ജോ, 18+ ജേർണി ഓഫ് ലവ്, ബ്രോമാൻസ് എന്നീ ചിത്രങ്ങളിലൂടെ ശ്രദ്ധ നേടിയ അരുൺ ഡി ജോസിന്റെ കഥപറച്ചിൽ ശൈലി “പൂച്ച സാർ” എന്ന ചിത്രത്തിലും വ്യത്യസ്തമായ അനുഭവം സമ്മാനിക്കുമെന്ന പ്രതീക്ഷയിലാണ് സിനിമാപ്രേമികൾ.
പ്രധാന കഥാപാത്രങ്ങളായി ജോമോൻ ജ്യോതിരും അലൻ ബിൻ സിറാജും
ചിത്രത്തിൽ കേന്ദ്ര കഥാപാത്രത്തെ അവതരിപ്പിക്കുന്നത് ജോമോൻ ജ്യോതിരാണ്. അദ്ദേഹത്തോടൊപ്പം മുഴുനീള വേഷത്തിൽ അലൻ ബിൻ സിറാജും എത്തുന്നുണ്ട്. കൂടാതെ മലയാളത്തിലെയും തെന്നിന്ത്യയിലെയും നിരവധി ശ്രദ്ധേയ താരങ്ങൾ ചിത്രത്തിന്റെ ഭാഗമാകുമെന്ന് അണിയറപ്രവർത്തകർ അറിയിച്ചു.
എന്നാൽ ചിത്രത്തിന്റെ ഏറ്റവും വലിയ പ്രത്യേകത താരനിരയല്ല, മറിച്ച് ഒരു പൂച്ചയാണ്. ആരാധ്യാ സ്റ്റുഡിയോസിന്റെ ആദ്യ ചിത്രമായ എക്കോയിൽ ബാഹുൽ രമേഷിന്റെ അനിമൽ ട്രിലജിയുടെ ഭാഗമായി നായകളുടെ പ്രകടനത്തിന് വലിയ പ്രാധാന്യമുണ്ടായിരുന്നുവെങ്കിൽ, “പൂച്ച സാർ”യിൽ കഥയുടെ പ്രധാന ഘടകമായി ഒരു പൂച്ച എത്തുന്നു എന്നതാണ് ഏറ്റവും കൗതുകകരമായ വിശേഷം.
ടൈറ്റിൽ പോസ്റ്റർ ശ്രദ്ധ നേടുന്നു
“പൂച്ച സാർ” എന്ന പേരുതന്നെ പ്രേക്ഷകരിൽ കൗതുകമുണർത്തുന്നതാണ്. അതിനൊപ്പം പുറത്തിറങ്ങിയ ടൈറ്റിൽ പോസ്റ്റർ ഹാസ്യവും സാഹസികതയും നിറഞ്ഞ ഒരു സിനിമാറ്റിക് അനുഭവത്തിന്റെ സൂചന നൽകുന്നതായി സോഷ്യൽ മീഡിയയിൽ അഭിപ്രായങ്ങൾ ഉയരുന്നുണ്ട്.
പോസ്റ്ററിലെ ദൃശ്യ ഘടകങ്ങൾ ചിത്രത്തിന്റെ വ്യത്യസ്തമായ അവതരണശൈലിയെ സൂചിപ്പിക്കുന്നതോടൊപ്പം കുടുംബപ്രേക്ഷകരെയും യുവാക്കളെയും ഒരുപോലെ ആകർഷിക്കുന്ന തരത്തിലുള്ള ഒരു എന്റർടെയ്നറായിരിക്കും സിനിമയെന്ന സൂചനയും നൽകുന്നു.
ചിത്രീകരണം ഉടൻ
അണിയറപ്രവർത്തകർ നൽകിയ വിവരമനുസരിച്ച്, “പൂച്ച സാർ”യുടെ ചിത്രീകരണം ഈ വർഷം പകുതിയോടെ ആരംഭിക്കും. കൂടുതൽ താരങ്ങളുടെയും സാങ്കേതിക പ്രവർത്തകരുടെയും വിവരങ്ങൾ വരും ദിവസങ്ങളിൽ പുറത്തുവിടുമെന്ന് നിർമ്മാതാക്കൾ അറിയിച്ചു.
ആരാധ്യാ സ്റ്റുഡിയോസിന്റെ ആദ്യ ചിത്രമായ എക്കോ നേടിയ വിജയത്തിന് ശേഷം എത്തുന്ന പുതിയ പ്രോജക്ട് എന്ന നിലയിലും, വ്യത്യസ്തമായ ടൈറ്റിലും കഥാപശ്ചാത്തലവും കാരണം “പൂച്ച സാർ” ഇതിനോടകം തന്നെ സിനിമാപ്രേമികളുടെ ശ്രദ്ധാകേന്ദ്രമായി മാറിക്കഴിഞ്ഞു.
നിർമ്മാണം: എം.ആർ.കെ ജയറാം
ബാനർ: ആരാധ്യാ സ്റ്റുഡിയോസ്
സംവിധാനം: റെജിവാൻ അബ്ദുൽ ബഷീർ
രചന: അരുൺ ഡി ജോസ്
പ്രധാന താരങ്ങൾ: ജോമോൻ ജ്യോതിർ, അലൻ ബിൻ സിറാജ്
❤️പിആർഒ: പ്രതീഷ് ശേഖർ
Poocha Saar Title Poster Unveiled | Aaradhya Studios Announces New Film After Echo
Aaradhya Studios has unveiled the title poster of its second production, Poocha Saar. Directed by debutant Regivan Abdul Basheer and written by Arun D. Jose, the film stars Jomon Jyothir and Alan Bin Siraj in key roles.
About Author
