‘ജോ’യുടെ അണിയറപ്രവർത്തകർ ഒരുക്കുന്ന, ഏകൻ നായകനാകുന്ന ‘ഹൈക്കു’വിൻ്റെ ചിത്രീകരണം തുടങ്ങവെ ചിത്രത്തിൻ്റെ ഡിജിറ്റൽ അവകാശങ്ങൾ സ്വന്തമാക്കി നെറ്റ്ഫ്ലിക്സ്
‘ജോ’യുടെ അണിയറപ്രവർത്തകർ ഒരുക്കുന്ന, ഏകൻ നായകനാകുന്ന ‘ഹൈക്കു’വിൻ്റെ ചിത്രീകരണം തുടങ്ങവെ ചിത്രത്തിൻ്റെ ഡിജിറ്റൽ അവകാശങ്ങൾ സ്വന്തമാക്കി നെറ്റ്ഫ്ലിക്സ്
തെലുങ്ക്, തമിഴ്, മലയാളം എന്നീ ഭാഷകളിലായി ചിത്രം പുറത്തിറങ്ങും.
മികച്ച കണ്ടൻ്റിന് പ്രാധാന്യമുള്ള സിനിമകളെയും വൻതാരനിര അണിനിരക്കുന്ന ചിത്രങ്ങളെയും ഒരുപോലെ പ്രോത്സാഹിപ്പിക്കുന്ന ആഗോള OTT പ്ലാറ്റ്ഫോമായ നെറ്റ്ഫ്ലിക്സ്, നടൻ ഏകൻ നായകനാകുന്ന ‘ഹൈക്കു’ എന്ന ചിത്രത്തിന്റെ ഡിജിറ്റൽ സ്ട്രീമിംഗ് അവകാശങ്ങൾ സ്വന്തമാക്കി. സിനിമയുടെ ചിത്രീകരണം പൂർത്തിയാകുന്നതിന് മുൻപേ തന്നെ നെറ്റ്ഫ്ലിക്സ് ഇതിന്റെ ഡിജിറ്റൽ അവകാശങ്ങൾ ഏറ്റെടുത്ത വിവരം അണിയറപ്രവർത്തകർ അഭിമാനപൂർവ്വം അറിയിച്ചു. തിയേറ്റർ റിലീസിന് ശേഷമുള്ള ഫലങ്ങൾക്കായി കാത്തുനിൽക്കുന്ന പതിവ് രീതിയിൽ നിന്ന് മാറി, ചിത്രീകരണം ആരംഭിക്കുന്ന ഘട്ടത്തിൽ തന്നെ നെറ്റ്ഫ്ലിക്സ് ഈ ചിത്രത്തോടൊപ്പം ചേർന്നത് തികച്ചും അപൂർവ്വമായ ഒരു നീക്കമാണ്.
ഇന്ന് രാവിലെ (ഫെബ്രുവരി 1, 2026) ചിത്രീകരണത്തിന് തുടക്കമായി.
Creators of Joe begin shooting for Haiku, starring Aegan 🎬
A rare early move as Netflix secures digital rights even before completion.
Directed by Yuvaraj Chinnasamy, produced by Vision Cinema House.
A strong content-driven film in the making. 🔥 pic.twitter.com/EfOTo7OfCo— CinemaCafe™ Media (@cinemacafemedia) February 1, 2026
ഇടുക്കിയിൽ നടന്ന ഔദ്യോഗിക പൂജയ്ക്കും സ്വിച്ച് ഓൺ കർമ്മത്തിനും പിന്നാലെയാണ് തമിഴ്, തെലുങ്ക് , മലയാളം എന്നീ ഭാഷകളിലായി പുറത്തിറങ്ങുന്ന ‘ഹൈക്കു’വിന്റെ ചിത്രീകരണം ആരംഭിച്ചത്. ‘പേരൻപ്’, ‘തരാമണി’ തുടങ്ങിയ ചിത്രങ്ങളിലൂടെ പ്രശസ്തനായ സംവിധായകൻ റാം ചടങ്ങിൽ ആദ്യ ക്ലാപ്പടിക്കുകയും ടീമിന് ആശംസകൾ നേരുകയും ചെയ്ത് ചടങ്ങിന് ശുഭകരമായ തുടക്കം കുറിച്ചു.
വിഷൻ സിനിമ ഹൗസിന്റെ (Vision Cinema House) ബാനറിൽ ഡോ. ഡി. അരുളനന്ദുവും മാത്യു അരുളനന്ദുവും ചേർന്ന് നിർമ്മിക്കുന്ന ‘ഹൈക്കു’ സംവിധാനം ചെയ്യുന്നത് യുവരാജ് ചിന്നസാമിയാണ്. നിരൂപക പ്രശംസ പിടിച്ചുപറ്റിയ ‘ജോ’ (Joe) എന്ന ചിത്രം സംവിധാനം ചെയ്ത ഹരിഹരൻ റാം ആണ് ഈ ചിത്രത്തിന് അഡീഷണൽ സ്ക്രീൻപ്ലെ ഒരുക്കുന്നത്.
പ്രിയേഷ് ഗുരുസ്വാമി ഛായാഗ്രഹണവും ശക്തി പ്രണേഷ് എഡിറ്റിംഗും നിർവ്വഹിക്കുന്ന ഈ ചിത്രത്തിന് സംഗീതം നൽകുന്നത് ‘കോർട്ട്’, ‘ബേബി’ എന്നീ സിനിമകളിലൂടെ ശ്രദ്ധേയനായ വിജയ് ബുൾഗാനിൻ ആണ്. ‘ജോ’, ‘കോഴിപ്പണ്ണൈ ചെല്ലദുരൈ’ എന്നീ ചിത്രങ്ങളിലൂടെ പരിചിതനായ ഏകൻ നായകനാകുമ്പോൾ, ‘മിന്നൽ മുരളി’, ‘ശേഷം മൈക്കിൽ ഫാത്തിമ’ എന്നീ സിനിമകളിലൂടെ ശ്രദ്ധേയയായ ഫെമിന ജോർജ്, ‘കോർട്ട്’ എന്ന ചിത്രത്തിലൂടെ ശ്രദ്ധേയയായ ശ്രീദേവി അപ്പല്ല എന്നിവർ പ്രധാന വേഷങ്ങളിൽ എത്തുന്നു.
ചിത്രീകരണം തുടങ്ങുന്നതിന് മുൻപേയുള്ള നെറ്റ്ഫ്ലിക്സിന്റെ ഈ ഏറ്റെടുക്കൽ സിനിമയുടെ ഗുണമേന്മയിലുള്ള വലിയ ആത്മവിശ്വാസത്തെയാണ് പ്രകടമാക്കുന്നത്. പരിചയസമ്പന്നരായ സാങ്കേതിക പ്രവർത്തകരും കഴിവുറ്റ താരങ്ങളും ഒന്നിക്കുന്ന ‘ഹൈക്കു’വിന്റെ കൂടുതൽ വിശേഷങ്ങൾ വരും ദിവസങ്ങളിൽ പുറത്തുവിടും.
Creators of Joe Begin Shoot of Haiku Starring Aegan | Netflix Bags Digital Rights
The creators of Joe have kick-started shooting for their next Tamil film Haiku, starring Aegan. Directed by Yuvaraj Chinnasamy and produced by Vision Cinema House, the film has already secured its digital streaming rights with Netflix ahead of completion, marking a rare and confident acquisition.
About Author
