മലയാള സിനിമയിലെ യുവതാരങ്ങളിൽ ശ്രദ്ധേയമായ മുന്നേറ്റം തുടരുന്ന സാഗർ സൂര്യ ഇനി കരിയറിലെ ഏറ്റവും വലിയ ചിത്രങ്ങളിലൊന്നിലേക്ക്. സംവിധായകൻ വിനയൻ ഒരുക്കുന്ന ബ്രഹ്മാണ്ഡ ഫാന്റസി ത്രില്ലറിൽ ഗിന്നസ് പക്രുവിനൊപ്പം കേന്ദ്ര നായക കഥാപാത്രത്തെ അവതരിപ്പിക്കുന്നത് സാഗർ സൂര്യയാണ്. മലയാളത്തിനൊപ്പം തമിഴ്, തെലുങ്ക്, ഹിന്ദി, കന്നഡ ഭാഷകളിലായി ഒരുങ്ങുന്ന ഈ പാൻ-ഇന്ത്യൻ ചിത്രം സാഗറിന്റെ അഭിനയജീവിതത്തിലെ ഏറ്റവും വലിയ പ്രോജക്ടായി വിലയിരുത്തപ്പെടുന്നു.
ടെലിവിഷനിലൂടെയും സിനിമകളിലൂടെയും പ്രേക്ഷക ശ്രദ്ധ നേടിയ സാഗർ സൂര്യ, ഓരോ ചിത്രത്തിലും വ്യത്യസ്ത കഥാപാത്രങ്ങൾ തിരഞ്ഞെടുക്കുന്ന നടനെന്ന നിലയിൽ ഇതിനോടകം തന്നെ വ്യക്തമായ സ്ഥാനം നേടിയിട്ടുണ്ട്. ‘പണി’ എന്ന ചിത്രത്തിലെ ശക്തമായ വില്ലൻ കഥാപാത്രം സാഗറിന് വലിയ പ്രശംസ നേടിക്കൊടുത്തപ്പോൾ, നായകനായെത്തിയ ‘പ്രകമ്പനം’ എന്ന ഹൊറർ-കോമഡി ചിത്രവും മികച്ച പ്രേക്ഷകസ്വീകാര്യത സ്വന്തമാക്കിയിരുന്നു.
ഇപ്പോൾ വിനയനെപ്പോലുള്ള സംവിധായകന്റെ ഏറ്റവും ആകാംക്ഷയുണർത്തുന്ന ചിത്രത്തിൽ പ്രധാന കഥാപാത്രമായി എത്തുന്നത് സാഗറിന്റെ കരിയറിലെ നിർണായക വഴിത്തിരിവായാണ് സിനിമാ ലോകം കാണുന്നത്.
“When Three Worlds Unite, Miracles Unfold” എന്ന ടാഗ്ലൈനോടെയാണ് ചിത്രം പ്രഖ്യാപിച്ചിരിക്കുന്നത്. മൂന്ന് ലോകങ്ങളുടെ സംഗമത്തെ ആസ്പദമാക്കി ഒരുങ്ങുന്ന ഈ ഫാന്റസി ത്രില്ലർ ദൃശ്യവിസ്മയവും ശക്തമായ കഥപറച്ചിലും ഒരുമിപ്പിക്കുന്ന വലിയ സിനിമാനുഭവമായിരിക്കുമെന്നാണ് അണിയറപ്രവർത്തകർ വ്യക്തമാക്കുന്നത്.
ഏകദേശം 20-ഓളം യുവതാരങ്ങളും 200-ലധികം പൊക്കം കുറഞ്ഞ കലാകാരന്മാരും ചിത്രത്തിന്റെ ഭാഗമാകുന്നുണ്ട്. പുതിയ സാങ്കേതികവിദ്യകളും അത്യാധുനിക വിഷ്വൽ എഫക്റ്റുകളും ഉപയോഗിച്ച് ഇന്ത്യൻ സിനിമയിൽ ശ്രദ്ധേയമായ ദൃശ്യാനുഭവം ഒരുക്കാനാണ് ശ്രമമെന്ന് സംവിധായകൻ വിനയൻ അറിയിച്ചു.
✨ #SagarSurya joins #Vinayan's ambitious pan-India fantasy thriller!
The actor will headline the multilingual fantasy epic alongside #GuinnessPakru.
🌍 "When Three Worlds Unite, Miracles Unfold."
🎬 Pre-production and test shoots are underway.#MalayalamCinema #FantasyMovie… pic.twitter.com/FTe6lj2J0J
— CinemaCafe™ Media (@cinemacafemedia) July 30, 2026
ഹാരിസ് കാഞ്ചഞ്ചേരി നിർമ്മിക്കുന്ന ചിത്രത്തിന്റെ പ്രീ-പ്രൊഡക്ഷൻ ജോലികളും ടെസ്റ്റ് ഷൂട്ടും പുരോഗമിക്കുകയാണ്. അഭിനേതാക്കളുടെ തയ്യാറെടുപ്പുകളും സാങ്കേതിക പരീക്ഷണങ്ങളും ഇതിനോടകം ആരംഭിച്ചിട്ടുണ്ടെന്നാണ് വിവരം.
‘അത്ഭുതദ്വീപ്’, ‘ലിറ്റിൽ സൂപ്പർമാൻ’, ‘അതിശയൻ’ തുടങ്ങിയ ഫാന്റസി ചിത്രങ്ങളിലൂടെ ശ്രദ്ധ നേടിയ വിനയൻ, വർഷങ്ങളായി മനസ്സിൽ സൂക്ഷിച്ചിരുന്ന സ്വപ്ന പദ്ധതിയാണ് ഈ സിനിമയെന്നും വ്യക്തമാക്കിയിട്ടുണ്ട്. കഥയും കഥാപാത്രങ്ങളും സാങ്കേതിക മികവും സമന്വയിപ്പിച്ച പുതിയൊരു ഫാന്റസി ലോകം പ്രേക്ഷകർക്ക് സമ്മാനിക്കാനാണ് ഈ ചിത്രത്തിലൂടെ ശ്രമിക്കുന്നതെന്നും അദ്ദേഹം പറയുന്നു.
സാഗർ സൂര്യയുടെ കരിയറിലും മലയാള സിനിമയുടെ ഫാന്റസി വിഭാഗത്തിലും പുതിയ അധ്യായം കുറിക്കുമെന്ന പ്രതീക്ഷയോടെയാണ് ഈ വമ്പൻ പാൻ-ഇന്ത്യൻ ചിത്രം ഒരുങ്ങുന്നത്.
Sagar Surya Joins Vinayan’s Pan-India Fantasy Thriller Alongside Guinness Pakru
Sagar Surya has been cast in the lead role alongside Guinness Pakru in Vinayan’s ambitious pan-India fantasy thriller. The multilingual film promises a grand visual spectacle with cutting-edge VFX and a unique three-world storyline.
About Author
