കേരളത്തിലെ സിനിമാപ്രേമികൾക്ക് ഓഗസ്റ്റ് 14ന് വമ്പൻ റിലീസ് വിരുന്നൊരുക്കി ന്യൂ സൂര്യ ഫിലിംസ്. തമിഴ് സൂപ്പർതാരം സൂര്യ നായകനാകുന്ന ‘വിശ്വനാഥ് ആൻഡ് സൺസ്’ എന്ന ചിത്രവും, വിശാൽ രചിച്ച് സംവിധാനം ചെയ്ത് നായകനായി എത്തുന്ന ‘മകുടം’ എന്ന മാസ് ആക്ഷൻ ചിത്രവും ഒരേ ദിവസം കേരളത്തിലെ തിയേറ്ററുകളിലെത്തിക്കുന്നത് ന്യൂ സൂര്യ ഫിലിംസാണ്.
വമ്പൻ പ്രതീക്ഷയോടെ കാത്തിരിക്കുന്ന ‘മകുടം’ ആഗോളതലത്തിൽ ഓഗസ്റ്റ് 14ന് റിലീസ് ചെയ്യും. ആർ.ബി. ചൗധരിയുടെ സൂപ്പർ ഗുഡ് ഫിലിംസ് നിർമ്മിക്കുന്ന 99-ാമത്തെ ചിത്രം എന്ന പ്രത്യേകതയും സിനിമയ്ക്കുണ്ട്.
വിശാലിന്റെ കരിയറിലെ 35-ാമത്തെ ചിത്രമായ ‘മകുടം’ അദ്ദേഹത്തിന്റെ ആദ്യ സംവിധാന സംരംഭം കൂടിയാണ്. ചിത്രത്തിൽ വിശാൽ മൂന്ന് വ്യത്യസ്ത ഗെറ്റപ്പുകളിലാണ് പ്രത്യക്ഷപ്പെടുന്നത്. അതിൽ പ്രായമായ ഒരാളുടെ കഥാപാത്രവും ഉൾപ്പെടുന്നു. വലിയ കാൻവാസിൽ ഒരുക്കിയ മാസ് ആക്ഷൻ എന്റർടെയ്നറായ ചിത്രത്തിന് തുടക്കം മുതൽ മികച്ച ശ്രദ്ധയാണ് ലഭിച്ചുകൊണ്ടിരിക്കുന്നത്.
*’മാർക്ക് ആന്റണി’*യുടെ വിജയത്തിന് ശേഷം ജി.വി. പ്രകാശ് കുമാർ സംഗീതം നൽകുന്ന വിശാൽ ചിത്രമെന്ന പ്രത്യേകതയും ‘മകുടം’ സ്വന്തമാക്കുന്നു. ദുഷാര വിജയൻ നായികയായെത്തുന്ന ചിത്രത്തിൽ അഞ്ജലി മറ്റൊരു പ്രധാന കഥാപാത്രത്തെ അവതരിപ്പിക്കുന്നു.
ചിത്രത്തിന്റെ ഫസ്റ്റ് ലുക്ക് പോസ്റ്റർ, ടൈറ്റിൽ ടീസർ, പുറത്തിറങ്ങിയ ഗാനങ്ങൾ എന്നിവയെല്ലാം സോഷ്യൽ മീഡിയയിൽ മികച്ച പ്രതികരണമാണ് നേടിയത്. ജോൺ വിജയ്, ജയപ്രകാശ്, തമ്പി രാമയ്യ, ചിത്ര ലക്ഷ്മൺ, അജയ്, വംശി കൃഷ്ണ, അബു സലിം, അർജയ് പ്രിൻസ്, വി.ജെ. ഝാൻസി, പദം കുമാർ, സാബുമോൻ എന്നിവരടക്കം വലിയ താരനിരയും ചിത്രത്തിന്റെ ഭാഗമാണ്.
🔥 Double treat for Kerala!#NewSuryaFilms brings #VishwanathAndSons starring #Suriya and #Magudam starring #Vishal to Kerala on 14 August.
🎬 Magudam marks Vishal’s directorial debut and Super Good Films’ 99th production.#KeralaRelease #TamilCinema #MovieUpdate pic.twitter.com/v4EFTZKtzX
— CinemaCafe™ Media (@cinemacafemedia) July 30, 2026
അതേസമയം, സൂര്യ നായകനാകുന്ന കുടുംബപ്രമേയ ചിത്രമായ *’വിശ്വനാഥ് ആൻഡ് സൺസ്’*യും അതേ ദിവസം കേരളത്തിലെ തിയേറ്ററുകളിലെത്തും. രണ്ട് വലിയ തമിഴ് ചിത്രങ്ങളും ഒരേ ദിവസം കേരളത്തിൽ പ്രദർശനത്തിനെത്തിക്കുന്നതിലൂടെ ഓഗസ്റ്റ് 14ന് പ്രേക്ഷകർക്ക് ഇരട്ട സിനിമാ ആഘോഷമൊരുക്കുകയാണ് ന്യൂ സൂര്യ ഫിലിംസ്.
പ്രധാന അണിയറ പ്രവർത്തകർ – മകുടം
രചന, സംവിധാനം: വിശാൽ
നിർമ്മാണം: ബി. സുരേഷ്, ആർ.ബി. ജീവൻ ചൗധരി, ജിതൻ രമേഷ്, ജീവ (Super Good Films)
ഛായാഗ്രഹണം: റിച്ചാർഡ് എം. നാഥൻ, അഭിനന്ദൻ രാമാനുജം
സംഗീതം: ജി.വി. പ്രകാശ് കുമാർ
കലാസംവിധാനം: ജി. ദുരൈരാജ്
ആക്ഷൻ: ദിലീപ് സുബ്ബരായൻ
എഡിറ്റിംഗ്: എൻ.ബി. ശ്രീകാന്ത്
സംഭാഷണം: പൊൻ പാർത്തിപൻ, വിശാൽ, അനദ് കുമാരൻ (തമിഴ്), രാജേഷ് എ. മൂർത്തി (തെലുങ്ക്)
കഥ: രവി അരസു
ഗാനരചന: ഏകാദശി, വിവേക്, ഉമാദേവി, കരുണാകരൻ, വി7എച്ച്
കോസ്റ്റ്യൂം ഡിസൈൻ: വാസുകി ഭാസ്കർ
നൃത്തസംവിധാനം: ബൃന്ദ, ദിനേശ്, അസർ, അപ്സർ
വിഎഫ്എക്സ്: Lorven Studio
സൗണ്ട് ഡിസൈൻ & മിക്സ്: ടി. ഉദയ് കുമാർ (Sound Vibe Studio)
ഡി.ഐ: B2H Studios
ടൈറ്റിൽ ഡിസൈൻ: ട്യൂണി ജോഹാൻ
പബ്ലിസിറ്റി ഡിസൈൻ: കണ്ണദാസൻ ഡി.കെ.ഡി.
സ്റ്റിൽസ്: സായ് സന്തോഷ്
മാർക്കറ്റിംഗ്: Ticket Factory
New Surya Films Brings Suriya’s Vishwanath and Sons & Vishal’s Magudam to Kerala on August 14
New Surya Films will release Suriya’s Vishwanath and Sons and Vishal’s Magudam in Kerala on 14 August 2026. Directed by Vishal, Magudam marks his directorial debut and is produced by Super Good Films.
About Author
