സംവിധായകനെന്ന നിലയിൽ ഇന്ത്യൻ സിനിമയിൽ തന്റേതായ വ്യക്തിമുദ്ര പതിപ്പിച്ച ലോകേഷ് കനകരാജ് ആദ്യമായി നായകനായി എത്തുന്ന ആക്ഷൻ ത്രില്ലർ ചിത്രം ‘ഡിസി’ (DC) ആഗോള റിലീസിന് ഒരുങ്ങുന്നു. 2026 ഓഗസ്റ്റ് 7ന് ലോകമെമ്പാടും തിയേറ്ററുകളിലെത്തുന്ന ചിത്രം കേരളത്തിലും കർണാടകത്തിലും പ്രദർശനത്തിനെത്തിക്കുന്നത് ശ്രീ ഗോകുലം മൂവീസ് ആണ്. ശ്രീ ഗോകുലം ഗോപാലന്റെ നേതൃത്വത്തിലാണ് ചിത്രം ഈ രണ്ട് സംസ്ഥാനങ്ങളിലും വമ്പൻ റിലീസായി എത്തുന്നത്. കേരള-കർണാടക വിതരണ പങ്കാളിയായി ഡ്രീം ബിഗ് ഫിലിംസ് പ്രവർത്തിക്കുന്നു.
അരുൺ മാതേശ്വരൻ സംവിധാനം ചെയ്യുന്ന ചിത്രത്തിൽ ലോകേഷ് കനകരാജിനൊപ്പം വാമിക ഗബ്ബി നായികയായി എത്തുന്നു. ഗ്യാങ്സ്റ്റർ പശ്ചാത്തലത്തിൽ ഒരുക്കിയ ആക്ഷൻ ത്രില്ലറായ *’ഡിസി’*യിൽ ലോകേഷ് ദേവദാസ് എന്ന കഥാപാത്രത്തെയും വാമിക ചന്ദ്ര എന്ന കഥാപാത്രത്തെയും അവതരിപ്പിക്കുന്നു. സഞ്ജന കൃഷ്ണമൂർത്തിയും ചിത്രത്തിലെ പ്രധാന കഥാപാത്രങ്ങളിലൊരാളാണ്.
സൺ പിക്ചേഴ്സിന്റെ ബാനറിൽ കലാനിധി മാരൻ നിർമ്മിക്കുന്ന ചിത്രം, സംവിധായകനായ ലോകേഷ് കനകരാജിന്റെ അഭിനയ ജീവിതത്തിലെ ഏറ്റവും വലിയ ചുവടുവയ്പ്പായാണ് വിലയിരുത്തപ്പെടുന്നത്. റോക്കി, സാനി കായിദം, ക്യാപ്റ്റൻ മില്ലർ എന്നീ ശ്രദ്ധേയ ചിത്രങ്ങൾക്ക് ശേഷം അരുൺ മാതേശ്വരൻ സംവിധാനം ചെയ്യുന്ന ചിത്രം കൂടിയാണ് ‘ഡിസി’.
🔥 #DC hits theatres worldwide on August 7!
Lokesh Kanagaraj's acting debut arrives in a stylish gangster action thriller directed by Arun Matheswaran.
🎵 Music: Anirudh Ravichander
🎬 Kerala & Karnataka Release: Sree Gokulam Movies#LokeshKanagaraj #DCMovie #WamiqaGabbi… pic.twitter.com/eaNbAyICUV— CinemaCafe™ Media (@cinemacafemedia) July 27, 2026
ചിത്രത്തിലെ സംഗീതം ഒരുക്കിയിരിക്കുന്നത് അനിരുദ്ധ് രവിചന്ദർ ആണ്. ആകെ 15 ഗാനങ്ങൾ ഉൾപ്പെടുന്ന സംഗീത ആൽബം ഇതിനോടകം സോഷ്യൽ മീഡിയയിൽ ശ്രദ്ധ നേടിയിട്ടുണ്ട്. പ്രത്യേകിച്ച് “റാഗ ഓഫ് റിവഞ്ച്” (Raga of Revenge) എന്ന ട്രാക്ക് ആഗോളതലത്തിൽ തന്നെ വലിയ ജനപ്രീതി നേടി സംഗീതാസ്വാദകരുടെ പ്ലേലിസ്റ്റുകളിൽ ഇടംപിടിച്ചിരിക്കുകയാണ്.
നേരത്തെ പുറത്തിറങ്ങിയ ട്രെയ്ലർ വയലൻസ് നിറഞ്ഞ അവതരണവും സ്റ്റൈലിഷ് ആക്ഷൻ രംഗങ്ങളും കൊണ്ട് സിനിമാപ്രേമികൾക്കിടയിൽ വലിയ ചർച്ചയായിരുന്നു. ഗ്യാങ്സ്റ്റർ ലോകത്തിന്റെ പശ്ചാത്തലത്തിൽ ശക്തമായ വികാരങ്ങളും പ്രതികാരവും ആക്ഷനും കോർത്തിണക്കുന്ന ചിത്രമായിരിക്കും ‘ഡിസി’ എന്ന സൂചനയാണ് ട്രെയ്ലർ നൽകുന്നത്.
സാങ്കേതിക പ്രവർത്തകർ
സംവിധാനം: അരുൺ മാതേശ്വരൻ
നിർമ്മാണം: കലാനിധി മാരൻ (Sun Pictures)
നായകൻ: ലോകേഷ് കനകരാജ്
നായിക: വാമിക ഗബ്ബി
സംഗീതം: അനിരുദ്ധ് രവിചന്ദർ
അഡീഷണൽ സ്ക്രീൻപ്ലേ: അരുൺ രഞ്ജൻ
സംഭാഷണം: അരുൺ മാതേശ്വരൻ, ഫ്രാങ്ക്ലിൻ ജേക്കബ്
ഛായാഗ്രഹണം: മുകേഷ് ജി.
എഡിറ്റിംഗ്: ജി. കെ. പ്രസന്ന
അസോസിയേറ്റ് എഡിറ്റർ: ഹരീഷ് അരുൺ എം.
കലാസംവിധാനം: കണ്ണൻ എസ്.
സ്റ്റണ്ട്: പി.സി. സ്റ്റണ്ട്സ്
വസ്ത്രാലങ്കാരം: അരുൺ മാതേശ്വരൻ
കോസ്റ്റ്യൂമർ: പെരുമാൾ ശെൽവം
മേക്കപ്പ്: വിനോദ് സുകുമാരൻ
സ്റ്റിൽസ്: അമീർ
സൗണ്ട് ഡിസൈൻ: സിങ്ക് സിനിമാസ്
ഓഡിയോഗ്രാഫി: വിനയ് ശ്രീധർ
ഡോൾബി അറ്റ്മോസ് മിക്സ് അസിസ്റ്റന്റ്: വിഘ്നേഷ് ഗുരു (Knack Studios)
കളറിസ്റ്റ്: രംഗ
വി.എഫ്.എക്സ്: പ്രവീൺ ഡി.
പബ്ലിസിറ്റി ഡിസൈൻ: കബിലൻ ചെല്ലയ്യ
പ്രൊഡക്ഷൻ കൺട്രോളർമാർ: ഡി. രമേഷ് കുച്ചിരായർ, കെ.ടി.എസ്. സ്വാമിനാഥൻ
കേരള-കർണാടക റിലീസ്: ശ്രീ ഗോകുലം മൂവീസ്
ഡിസ്ട്രിബ്യൂഷൻ പാർട്ണർ: ഡ്രീം ബിഗ് ഫിലിംസ്
❤️പി.ആർ.ഒ: ശബരി
Lokesh Kanagaraj’s Acting Debut DC Releasing Worldwide on August 7 | Kerala & Karnataka by Sree Gokulam Movies
DC, the action thriller marking Lokesh Kanagaraj’s acting debut, releases worldwide on August 7, 2026. Directed by Arun Matheswaran, the film stars Wamiqa Gabbi and will be distributed in Kerala and Karnataka by Sree Gokulam Movies.
About Author
